BAKI, VOA, Nailə Babazadə
İranın Mərkəzi əyalətində yerləşən yaşayış məntəqəsinə ABŞ və İsrail qüvvələri tərəfindən hava zərbəsi endirilib. İran dövlət televiziyasının yaydığı məlumata görə, hücum əyalətin Hizab kəndini hədəf alıb.
VOA xəbər verir ki, hadisə zamanı kənddəki evlərdən birinə birbaşa mərmi düşməsi nəticəsində dağıntılar yaranıb. İlkin məlumatlara əsasən, hücum nəticəsində 6 mülki şəxs həyatını itirib, 7 nəfər isə müxtəlif dərəcəli bədən xəsarətləri alıb. Yaralıların xəstəxanaya yerləşdirildiyi və vəziyyətlərinin izlənildiyi bildirilir.
Bu hadisə fevralın 28-dən bəri davam edən və bölgədə gərginliyi pik həddə çatdıran qarşıdurmaların növbəti qanlı səhifəsi kimi qiymətləndirilir. Rəsmi Tehran yaşayış məntəqələrinin hədəf alınmasını sərt şəkildə pisləyib.
