BAKI,VOA, Nailə Babazadə
"New York Post" qəzetinin yaydığı məlumata görə ABŞ Prezidenti Donald Tramp yaxın iki gün ərzində Pakistan ərazisində İranla yeni danışıqların keçirilə biləcəyini açıqlayıb.
VOA xəbər verir ki, ABŞ lideri tərəflərin bir araya gəlməsi üçün "Oraya getməyə daha çox meyilliyik" ifadəsini işlədib.
Xatırladaq ki, ABŞ və İsrailin fevralın 28-də İrana qarşı başlatdığı hərbi əməliyyatlar aprelin 8-də tərəflər arasında atəşkəs razılaşması ilə nəticələnmişdi. Bundan əvvəl Pakistanın vasitəçiliyi ilə İslamabadda keçirilən birbaşa danışıqlar uğursuzluqla yekunlaşmışdı. ABŞ vitse-prezidenti Ceyms Devid Vens danışıqların razılaşma əldə olunmadan başa çatdığını bildirmişdi. İran tərəfi isə müzakirələrin nəticəsiz qalmasına səbəb kimi Vaşinqtonun "həddindən artıq tələblərini" göstərmişdi.
