BAKI,VOA,Yusif Şərifzadə
Yunanıstanın Evia adasında baş vermiş iri meşə yanğını ilə əlaqədar iki yaşayış məntəqəsinin təxliyəsinə qərar verilib.
VOA xəbər verir ki, bu barədə Yunanıstanın Yanğınsöndürmə Xidməti məlumat yayıb.
Məlumata görə, yanğının söndürülməsi işlərinə 88 yanğınsöndürən və könüllü cəlb olunub.
Əməliyyatlara həmçinin səkkiz yanğınsöndürmə təyyarəsi və altı helikopter də qoşulub.
Rəsmilər bildiriblər ki, alovun yaşayış məntəqələrinə yaxınlaşması səbəbindən ehtiyat tədbirləri gücləndirilib və bəzi sakinlər təhlükəsiz ərazilərə köçürülüb.
Yanğının yayılmasının qarşısını almaq üçün həm qurudan, həm də havadan intensiv müdaxilə davam etdirilir.
Hazırda yanğının başvermə səbəbi ilə bağlı araşdırma aparılır.
Yunanıstanın müxtəlif bölgələrində yay mövsümündə yüksək temperatur və güclü küləklər səbəbindən meşə yanğınları riski ən yüksək səviyyədə qalır.
