BAKI,VOA,Yusif Şərifzadə
İranın Cenevrədə BMT-dəki səfiri Əli Bəhreyni İsrailin Livanda həyata keçirdiyi son atışma ilə bağlı sərt açıqlama verib.
VOA xəbər verir ki, o, Livanda atəşkəs və memorandum çərçivəsinin pozulmasının danışıqlar prosesinə ciddi təsir göstərə biləcəyini bildirib.
Bəhreyni qeyd edib ki, Livan razılaşmanın ayrılmaz hissəsidir və burada baş verən hadisələr bütün prosesə təsir edir.
Onun sözlərinə görə, ABŞ İsrail üzərində malik olduğu təsir imkanlarından istifadə edərək hücumların dayandırılmasını təmin etməlidir.
Digər tərəfdən, İsrail Baş naziri Benyamin Netanyahu bildirib ki, İsrail ordusu Livanın cənubunda “tam hərəkət azadlığına” malikdir.
Netanyahu əlavə edib ki, İsrail qoşunları Livanın cənubunda təhlükə aradan qaldırılana qədər qalmağa davam edəcək.
