BAKI, AzerVoice

İrandakı Azərbaycan vətəndaşları ilə bağlı Tehrandakı səfirlik və Təbrizdəki Baş konsulluq mütəmadi olaraq fəaliyyətdədir.

AzerVoice xəbər verir ki, xarici işlər naziri Ceyhun Bayramov 20 Yanvar Hüzn Günü ilə bağlı Şəhidlər xiyabanını ziyarəti zamanı jurnalistlərə açıqlamasında deyib.

"Tehrandakı səfirliyimiz, eyni zamanda Təbrizdəki Baş konsulluğumuz bütün bu müddət ərzində fəaliyyətini bir saat da olsa, dayanmayıb. Ona görə də orada olan vətəndaşlarımız hər hansı bir çətinliklərlə üzləşdikdə bununla bağlı rəsmi məlumatlar da var, yəni biz burada hər hansı ciddi bir problem görmürük. Bununla bağlı səfirliyimiz və Baş konsulluğumuz tam fəaliyyətdədir".

Qeyd edək ki, dekabr ayının sonlarından İranın milli valyutası rialın xarici valyutalar qarşısında kəskin dəyər itirməsi, yüksək inflyasiya və digər iqtisadi problemlərə görə etiraz aksiyaları başlayıb. Etirazlarda ölən və yaralananları olduğu bildirilsə də, say haqda məlumat verilməyib.