Bakı,AzerVoice
Suriya İnsan Haqları Şəbəkəsi 2011-ci ilin martından bu yana 199-u işgəncə nəticəsində ölənlər də daxil olmaqla 30 min 228 suriyalı uşağın öldürüldüyünü sənədləşdirdiyini bildirib.AzerVoice xəbər verir ki, bu barədə çərşənbə axşamı günü qeyd olunan Təcavüzün Günahsız Qurbanları Beynəlxalq Günü münasibətilə verilən bəyanatda deyilir.
Bəyanatda Suriya rejiminin həbsxanalarında hələ də səbəbsiz və məhkəmə qərarı olmadan həbs edilən ən azı 5 min 263 uşağın olması qeyd edilir.
“Suriya hakimiyyət orqanları 2011-ci ildə inqilab başlanandan bəri uşaqlara qarşı təcavüzün ən pis formalarını tətbiq edib.Münaqişənin digər tərəfləri də rejim kimi, uşaqlara qarşı təcavüzün bir çox formalarını tətbiq ediblər, lakin rejim sistematik şəkildə törətdiyi cinayətlərin sayına görə bütün tərəfləri üstələyib”- deyə bəyanatda bildirilir.
