İsrailli nazir Əl-Əqsanı hədəfə alıb
İsrailin ifrat sağçı maliyyə naziri Bezalel Smotrich Qərbi Qüdsdəki Beynəlxalq Konqres Mərkəzində keçirilən tədbirdə Qüds meri Moşe Liona işğal altındakı Şərqi Qüdsdəki Əl-Əqsa məscidinin yerində Süleyman məbədinin tikintisi üçün pul vəd edib. Smotrich minlərlə insanın qarşısında gülərək, “Mən sənə pul verəcəm, sən isə Məbədi tikəcəksən,” deyib. Buna cavab olaraq Lion, Smotrich-i “Yerusəlimin indiyə qədərki ən yaxşı maliyyə naziri” adlandırıb. Bu açıqlama İsrailin Məbəd dağı ilə bağlı siyasətində dəyişiklik müzakirələrinin getdiyi həssas bir dövrdə səslənib. Eyni zamanda, milli təhlükəsizlik naziri İtamar Ben-Qvirin də daxil olduğu bəzi nazirlərin Məscidül-Əqsaya prosedurları pozaraq daxil olmaları və orada dua etmələri gərginliyi daha da artırıb. Fələstinlilər bu hərəkətləri Şərqi Qüdsün yəhudiləşdirilməsi və ərəb-islam kimliyinin silinməsi cəhdi kimi qiymətləndirir.
Qüds və Məscidül-Əqsanın İslami kimliyi qorunacaq - HƏMAS
HƏMAS 1969-cu il avqustun 21-də Məscidül-Əqsanın yandırılmasının ildönümü ilə əlaqədar açıqlama yayıb və İsrailin işğal və planlarına baxmayaraq, Qüds və Məscidül-Əqsanın İslami kimliyini qoruyacağını bəyan edib. Bəyanatda İsrailin baş naziri Binyamin Netanyahunun “Böyük İsrail” çıxışının regional və qlobal təhlükəsizlik üçün təhdid olduğu vurğulanıb və ərəb və İslam ölkələrinə Qüds və Məscidül-Əqsanı qorumaq üçün ciddi addımlar atmaq çağırışı edilib. HƏMAS həmçinin sabah dünya miqyasında Məscidül-Əqsa və Qəzzaya dəstək üçün aksiyalara çağırıb.
Radikal yəhudilər Əl-Əqsaya hücum etdi
Fələstin İslam Vəqfləri İdarəsinin məlumatına görə, 124 radikal səhər saatlarında Məğaribə qapısından qrup halında məscidə girərək həyətlərdə gəzinti edib, şərq tərəfdə – Bab ər-Rahmə namazgahı yaxınlığında təxribat xarakterli turları və Talmud ayinlərini icra ediblər.
Yəməndəki husilər İsrailin dörd bölgəsini pilotsuz təyyarələrlə hədəfə alıb
Yəməndə İranın dəstəklədiyi husilər İsrail əsgərlərinin Məscidül-Əqsaya basqınından sonra altı pilotsuz təyyarə ilə İsrailin dörd bölgəsinə zərbə endirdiklərini açıqlayıb. Husi ordusunun sözçüsü Yəhya Seri hücumların cənubdakı Bir-es-Sebi (Bershawa), Nəcəf və Əliat şəhərlərinə, həmçinin şimaldakı Hayfaya yönəldiyini və “kritik hədəflərin” vurulduğunu iddia edib. Qeyd edək ki, husilər bu hücumları İsrailin Qəzza zolağında fələstinlilərə qarşı həyata keçirdiyi hərbi əməliyyatlara, Məscidül-Əqsaya basqınlara və müqəddəs məkanlara qarşı pozuntulara cavab olaraq etdiklərini bildiriblər. İsrail tərəfi isə məsələ ilə bağlı açıqlama verməyib. Yanvarın 19-da əldə olunan atəşkəs razılaşmasının pozulmasından sonra husilər vaxtaşırı ballistik raketlər və PUA-larla İsraili hədəfə alır.
HƏMAS İsrailli nazirin Əl-Əqsa məscidinə basqınını pisləyib
HƏMAS, İsrailin Qəzzaya qarşı həyata keçirdiyi hücumlar və İsrailin ifrat sağçı milli təhlükəsizlik naziri İtamar Ben-Qvirin Əl-Əqsa məscidinə təşkil etdiyi basqının beynəlxalq və regional sülh üçün ciddi təhdid yaratdığını bildirib.
Ben Qvir 1 200-dən çox yəhudi ilə birlikdə Əl-Əqsa məscidinə basqın edib
İsrailin milli təhlükəsizlik naziri İtamar Ben Qvirin rəhbərliyi ilə 1 251 yəhudi Əl-Əqsa məscidinə basqın edib.
İsrailin Əl-Əqsa məscidinə hücumları beynəlxalq hüququ pozur - Fələstin
Fələstin Xarici İşlər Nazirliyi İsrailin və Fələstin torpaqlarını qəsb etmiş yəhudi məskunlaşmaçıların Şərqi Qüdsdə yerləşən Əl-Əqsa məscidinə artan basqınları ilə bağlı beynəlxalq ictimaiyyətə xəbərdarlıq edib.
İsrailin müqəddəs yerlərə basqınları beynəlxalq tənqidlərə səbəb olub
İsrail qüvvələri iyun ayında Əl-Əqsa və Hərəmi-İbrahim məscidlərinə dəfələrlə basqın edib
İsraill Əl-Əqsa məscidinə yenidən basqın edib
Fələstin torpaqlarını işğal edən israillilər Əl-Əqsa məscidinə növbəti dəfə basqın ediblər.
