İspaniyada bir milyondan çox miqrant hüquqi statusu üçün müraciət edilib
İspaniyada yeni dövlət proqramı çərçivəsində bir milyondan çox qeyri-qanuni miqrant və beynəlxalq müdafiə almaq üçün müraciət etmiş şəxs hüquqi statusunun leqallaşdırılması üçün müraciət edib. İspaniya hökuməti proqram hazırlanarkən təxminən 500 min nəfərin bu imkandan yararlanacağını proqnozlaşdırsa da, qeydiyyat müddəti başa çatdıqda müraciətlərin sayı gözləntiləri iki dəfədən də çox üstələyərək bir milyonu keçib.
BMT Liviyada miqrantların yerləşdirilməsi ilə bağlı iddiaları təkzib edib
Tripoli şəhərində fəaliyyət göstərən Birləşmiş Millətlər Təşkilatının Liviyaya Dəstək Missiyası ölkədə miqrantların daimi yerləşdirilməsinə dair yayılan məlumatların həqiqəti əks etdirmədiyini bəyan edib.
Türkiyədə miqrant qaçaqmalçılarına qarşı əməliyyat həyata keçirilib
Türkiyənin 81 vilayətində miqrant qaçaqmalçılığı və qeyri-qanuni miqrasiyaya qarşı keçirilən genişmiqyaslı əməliyyatlar nəticəsində 9-u xarici vətəndaş olmaqla 29 təşkilatçı saxlanılıb. Yoxlamalar zamanı 434 min 295 nəfərin kimlik məlumatları yoxlanılıb və 687 qeyri-qanuni miqrant müəyyən edilərək tutulub. Miqrasiya İdarəsinin koordinasiyası ilə Polis İdarəsinin Miqrant Qaçaqmalçılığı ilə Mübarizə Baş İdarəsi, Sərhəd Xidmətinin Miqrant Qaçaqmalçılığı və İnsan Alveri ilə Mübarizə Baş İdarəsi və Sahil Mühafizəsi Komandanlığı tərəfindən ictimai əyləncə məkanları, yük maşını qarajları, avtobus terminalları, limanlar və ictimai nəqliyyat dayanacaqlarında geniş yoxlamalar aparılıb. Ümumilikdə 15 min 334 obyekt nəzarət altına alınıb.
Türkiyədə miqrant qaçaqmalçılarına qarşı əməliyyat həyata keçirilib
Dünən Türkiyə üzrə 81 vilayətdə eyni vaxtda miqrant qaçaqçılığı təşkilatçıları və qeyri-qanuni miqrantlara qarşı genişmiqyaslı əməliyyatlar keçirilib. Türkiyə Daxili İşlər Naziri Ali Yerlikaya bildirib ki, həyata keçirilən yoxlamalar zamanı 132-si xarici ölkə vətəndaşı olmaqla, ümumilikdə 169 qaçaqçılıq təşkilatçısı saxlanılıb. Eyni zamanda, 430,454 nəfərin şəxsiyyət yoxlanışı aparılmış və 783 qeyri-qanuni miqrant aşkar edilərək saxlanılıb.
Britaniya daimi yaşamaq icazəsi üçün qaydaları sərtləşdirməyi planlaşdırır
Böyük Britaniyanın daxili işlər naziri bu gün (bazar ertəsi) ölkədə məskunlaşmaq istəyən miqrantlarla bağlı yeni qaydaları açıqlayacaq. Yeni tələblərə əsasən, miqrantların iş tapması, dövlət yardımına müraciət etməməsi və ictimai işlərdə iştirak etməsi tələb olunacaq. Hazırda ailəsi Böyük Britaniyada yaşayan və burada beş il qalmış şəxslər, həmçinin hər hansı viza ilə qanuni şəkildə on il yaşayanlar daimi yaşamaq icazəsi ala bilirlər. Bu status onlara yaşamaq, işləmək, təhsil almaq, dövlət yardımlarından faydalanmaq və Britaniya vətəndaşlığını əldə etmək hüququ verir.
Türkiyədə miqrant qaçaqmalçılarına qarşı əməliyyat həyata keçirilib
Türkiyənin 81 şəhərində miqrant qaçaqmalçıları və qanunsuz miqrasiyaya qarşı aparılan əməliyyatlar nəticəsində 52 nəfər qaçaqmalçılıq təşkilatçısı ilə yanaşı 666 qeyri-qanuni miqrant saxlanılıb. Bu barədə Türkiyənin Daxili İşlər naziri Ali Yerlikaya X sosial media hesabından açıqlama verib.
Türkiyədə qanunsuz miqrasiyaya qarşı əməliyyat çərçivəsində 46 nəfər saxlanılıb
Türkiyənin Daxili İşlər naziri Ali Yerlikaya 81 vilayətdə miqrant qaçaqmalçılığı ilə mübarizə çərçivəsində həyata keçirilən eyni vaxtlı əməliyyatlar zamanı 46 şübhəlinin saxlanıldığını açıqlayıb. nazir sosial media hesabında etdiyi paylaşımda bildirib ki, əməliyyatlar zamanı saxlanılan şəxslərdən 8-i əcnəbi vətəndaşdır. Saxlanılanların hamısının miqrant qaçaqmalçılığı şəbəkələrinin təşkilatçıları olduğu vurğulanıb. Ali Yerlikaya əməliyyatların icrasında iştirak edən Respublika Baş Prokurorluqlarını, Daxili İşlər Nazirliyinin Təhlükəsizlik Baş İdarəsinin Miqrant Qaçaqmalçılığı ilə Mübarizə və Sərhəd Qapıları İdarəsini, vilayət polis idarələrini, əməliyyatlarda iştirak edən polis əməkdaşlarını və Göç İdarəsi rəsmilərini təbrik edib.
Qeyri-qanuni miqrantların yerləşdirildiyi otellər bağlanılmalıdır - Britaniyanın Baş naziri
Böyük Britaniyanın Baş naziri Kir Starmer bildirib ki, ölkədə sığınacaq axtaran qeyri-qanuni miqrantların yerləşdirildiyi otellərin bağlanması prosesi daha tez reallaşdırılacaq. Starmer sığınmacıların yerləşdirildiyi otellərin sistemli şəkildə boşaldılmasının vacibliyini vurğulayıb. Baş nazir qeyri-qanuni miqrasiya ilə mübarizədə qətiyyətli olduğunu bildirib: “İnsanların bu məsələ ilə bağlı niyə narahat olduqlarını tamamilə başa düşürəm.”
ABŞ hərbi bazalarda miqrantlar üçün saxlanma mərkəzləri yaratmağa başlayıb
ABŞ prezidenti Donald Trampın administrasiyası qeyri-qanuni miqrantların saxlanılması üçün hərbi bazalarda xüsusi obyektlərin yaradılması istiqamətində praktiki addımlar atmağa başlayıb. İlk belə mərkəzin Texas ştatının Meksika sərhədində yerləşən El Paso bölgəsindəki “Fort Bli” hərbi bazasında qurulması nəzərdə tutulur.
Türkiyə DİN italiyalı həmkarı ilə ikitərəfli əməkdaşlığı müzakirə edib
Türkiyənin daxili işlər naziri Ali Yerlikaya İtaliyanın paytaxtı Romada həmkarı Matteo Piantedozi ilə görüşüb. Görüş zamanı terrorçuluq, transmilli mütəşəkkil cinayətkarlıq və miqrant qaçaqmalçılığı ilə mübarizə kimi mühüm təhlükəsizlik məsələlərində əməkdaşlığın gücləndirilməsi müzakirə olunub.
Yəməndə miqrasiya problemi dərinləşir
Yəmənin cənubundakı Əbyən vilayətinin Zəncibar şəhəri sahillərində təhlükəsizlik qüvvələri qeyri-qanuni yollarla ölkəyə daxil olmağa çalışan bir qrup Efiopiya əsilli miqrantın cəsədlərini sudan çıxarıb.
Türkiyədə qanunsuz miqrasiyaya qarşı əməliyyat çərçivəsində 22 nəfər həbs edilib
Türkiyədə miqrant qaçaqmalçılığı və qeyri-qanuni miqrasiyaya qarşı keçirilən əməliyyatlar nəticəsində 22 nəfər həbs edilib. Bu barədə Türkiyənin Daxili İşlər naziri Ali Yerlikaya məlumat verib.
