Yaponiyada 7,4 bal gücündə zəlzələ olub
Yaponiyanın şimal-şərq sahilləri yaxınlığında 7,4 bal gücündə zəlzələ baş verib. Qeyd olunub ki, zəlzələnin episentri okeanda yerləşdiyi üçün sahil bölgələrində risk qiymətləndirilməsi aparılır. Yerli hakimiyyət orqanları əhalini təhlükəsizlik tədbirlərinə əməl etməyə çağırıb.
Yaponiyada 7,5 bal gücündə zəlzələ baş verib
Yaponiyanın şimal-şərqində baş verən 7,5 bal gücündə zəlzələ nəticəsində azı 30 nəfər xəsarət alıb, on minlərlə sakin evakuasiya edilib. Yaponiyanın Meteorologiya Agentliyinin məlumatına əsasən, yeraltı təkanlar, Aomori sahillərindən təxminən 80 km məsafədə, 50 km dərinlikdə qeydə alınıb. Zəlzələ sonrası verilmiş sunami xəbərdarlıqları artıq ləğv olunub, lakin sahilə 70 sm hündürlüyündə dalğalar çırpılıb.
İndoneziya sahillərində 5,3 bal gücündə zəlzələ olub
İndoneziyanın Sumatra adası sahillərində 5,3 maqnitudalı zəlzələ qeydə alınıb. Bu barədə Avropa-Aralıq dənizi Seysmoloji Mərkəzi məlumat yayıb. Məlumata görə, zəlzələnin episentri 300 mindən çox əhalisi olan Benkulu şəhərindən 176 kilometr şimal-qərbdə, yeraltı təkanların ocağı isə 67 kilometr dərinlikdə yerləşib. İnsan tələfatı və dağıntılar barədə məlumat daxil olmayıb, sunami təhlükəsi elan edilməyib.
Solomon Adalarında 6,2 bal gücündə zəlzələ baş verib
Solomon Adalarına məxsus Santa-Krus arxipelaqı sahillərində 6,2 bal gücündə zəlzələ qeydə alınıb. Bu barədə Avropa-Aralıq Dənizi Seysmoloji Mərkəzi məlumat yayıb.
Rusiyada ardıcıl dörd zəlzələ baş verib
Son yarım saat ərzində Rusiyanın Kamçatka yarımadasında 5,2; 5,0; 5,4 və 6,0 bal gücündə dörd zəlzələ baş verib. Bu barədə Rusiya Elmlər Akademiyasının Geofizika Xidmətinin Kamçatka filialı "Telegram" kanalında məlumat yayıb.
