Putin-Tramp görüşü öncəsi Rusiya heyəti Alyaskaya çatıb
Rusiya Prezidenti Vladimir Putin və ABŞ Prezidenti Donald Tramp arasında keçiriləcək görüş öncəsi Rusiya nümayəndə heyəti ABŞ-ın Alyaska ştatındakı Enkorec (Anchorage) şəhərinə çatıb. Bu barədə Rusiya mətbuatı məlumat yayıb.
Putin-Tramp görüşü öncəsi Ukrayna və Qərbdən birlik mesajı
ABŞ Prezidenti Donald Tramp və Rusiya Prezidenti Vladimir Putinin bu gün Alyaskada keçirəcəyi görüş ərəfəsində, Ukrayna və Qərb ölkələri güclü birlik mesajı verib. Görüşdə Rusiyanın Ukraynaya qarşı müharibəsi və Rusiya–ABŞ münasibətlərinin müzakirə olunacağı gözlənilir. Tramp və Putin müharibə başlayandan bəri ilk dəfə bir araya gələcək. Görüş dünya ictimaiyyəti tərəfindən böyük maraqla izlənilir. Ukrayna isə açıq şəkildə bəyan edir ki, bu masada Kiyev olmadan qərarların qəbul edilməsi yolverilməzdir.
Putin atəşkəsə razı olarsa, növbəti sammit İstanbulda keçiriləcək
Bu gün Alyaskada ABŞ prezidenti Donald Tramp və Rusiya prezidenti Vladimir Putin arasında keçiriləcək sammit, Ukrayna müharibəsinə son qoymaq üçün 7 aydır davam edən danışıqların ən kritik mərhələsi hesab olunur. Danışıqlardan atəşkəs qərarı çıxarsa, növbəti mərhələdə Ukrayna prezidenti Volodimir Zelenskinin də qatılacağı üçtərəfli sammitin İstanbulda keçirilməsi nəzərdə tutulur.
Tramp Zelenskini Alyaska sammitinə dəvət etməyi nəzərdən keçirir
ABŞ prezidenti Donald Tramp, Rusiya prezidenti Vladimir Putin ilə Alyaskada keçirilməsi planlaşdırılan üçtərəfli sammitə Ukrayna prezidenti Volodimir Zelenski və bəzi Avropa liderlərinin də dəvət oluna biləcəyini bildirib. Tramp əsas məqsədinin “təcili sülh razılaşmasına” nail olmaq olduğunu vurğulayaraq, qısa müddətdə sülhün təmin edilməsinə önəm verdiyini qeyd edib.
Tramp Alyaskadakı görüşün uğurla nəticələnmə ehtimalını 75 faiz olaraq qiymətləndirib
ABŞ Prezidenti Donald Tramp, Rusiya Prezidenti Vladimir Putinlə Alyaskada keçirəcəyi görüşün uğurla nəticələnmə ehtimalını 75 faiz olaraq qiymətləndirib. Tramp bu fikri “Fox News Radio”ya verdiyi müsahibədə səsləndirib.
Ərdoğan Rütte ilə Rusiya-Ukrayna müharibəsini müzakirə edib
Türkiyə Prezidenti Rəcəb Tayyib Ərdoğan NATO-nun Baş katibi Mark Rütte ilə telefon danışığı aparıb. Söhbət əsnasında Ukrayna–Rusiya müharibəsindəki son inkişaflar, həmçinin regional və qlobal məsələlər müzakirə olunub. Bu barədə Türkiyə Prezident Administrasiyasının Kommunikasiya İdarəsi məlumat yayıb.
Kreml Tramp-Putin görüşünün saatını açıqlayıb
Kreml ABŞ prezidenti Donald Tramp və Rusiya prezidenti Vladimir Putin arasında Alyaskada keçirilməsi planlaşdırılan görüşün vaxtını elan edib. Rəsmi açıqlamaya görə, görüş Moskva vaxtı ilə saat 22:30-da başlayacaq. İki liderin görüşü tərcüməçilərin iştirakı ilə təkbətək formatda start götürəcək. Qeyd edək ki, Tramp-Putin görüşü beynəlxalq ictimaiyyətdə böyük maraq doğurur və onun nəticələri xüsusilə Ukrayna münaqişəsi fonunda diqqətlə izlənir.
Alyaskada Tramp-Putin görüşü öncəsi təxliyə xəbərdarlığı
ABŞ prezidenti Donald Tramp və Rusiya prezidenti Vladimir Putinin görüşünün planlaşdırıldığı Alyaskada buzlaq bəndinin aşması nəticəsində yaranan daşqın təhlükəsi səbəbindən sakinlərin təxliyəsinə çağırış edilib. ABŞ Milli Okean və Atmosfer Administrasiyası (NOAA) Alyaskanı paytaxtı Juneau şəhərində yerləşən Mendenhall buzlaqının bəndinin daşıb güclü daşqın riski yaratdığını açıqlayıb. Juneau Empire portalının məlumatına görə, yerli hakimiyyət orqanları şəhər sakinlərinə ərazini tərk etməyi tövsiyə edib.
Starmer Zelenski ilə Tramp–Putin görüşü öncəsi kritik müzakirə aparacaq
Böyük Britaniya Baş naziri Keir Starmer, ABŞ prezidenti Donald Tramp və Rusiya prezidenti Vladimir Putin arasında sabah keçiriləcək görüşdən əvvəl Ukrayna prezidenti Volodimir Zelenski ilə kritik görüş keçirəcək. Starmer və Zelenski arasında bu gün baş tutacaq görüşdə Ukrayna məsələləri müzakirə ediləcək. Zelenski dünən Almaniyanın ev sahibliyi etdiyi onlayn iclasda da iştirak etmişdi.
Ukrayna ilə bağlı razılaşma əldə olunmasa, Rusiyanı ciddi nəticələr gözləyir - Tramp
ABŞ prezidenti Donald Tramp bəyan edib ki, əgər avqustun 15-də Alyaskada keçiriləcək Rusiya–ABŞ sammitində Ukrayna münaqişəsinin sülh yolu ilə həlli istiqamətində razılıq əldə olunmasa, Rusiya ciddi nəticələrlə üzləşəcək. Bu barədə Tramp jurnalistlərin suallarını cavablandırarkən deyib.
Tramp Alyaska sammitində Ukraynada atəşkəsin əldə olunması üçün çalışacaq - Makron
ABŞ prezidenti Donald Tramp avqustun 15-də Alyaskada keçiriləcək sammitdə Ukraynada atəşkəs əldə olunması üçün səylər göstərəcək. Bu barədə Fransa prezidenti Emmanuel Makron, Avropa liderləri və Trampın iştirakı ilə keçirilən onlayn görüşdən sonra açıqlama verib.
