Türkiyə nümayəndə heyəti DOST Agentliyində olub
Türkiyənin Sosial Təminat Qurumunun nümayəndə heyəti DOST Agentliyində olub. Nümayəndə heyətinə İnformasiya Texnologiyaları Baş İdarə rəisinin müavini Adnan Yılmaz rəhbərlik edib. Qonaqlar 1 saylı Bakı DOST Mərkəzində əhaliyə göstərilən xidmətlərlə tanış olublar. Onlara DOST konsepsiyasının üstünlükləri və sosial xidmətlərdə tətbiq olunan yeniliklər barədə məlumat verilib. Görüşdə Azərbaycanda əmək, məşğulluq və sosial müdafiə sahəsində aparılan islahatlar müzakirə olunub. DOST mərkəzlərində 164 növ xidmətin “bir pəncərə” prinsipi ilə təqdim edildiyi bildirilib. Tərəflər sosial müdafiə və rəqəmsal xidmətlər sahəsində əməkdaşlıq imkanlarını nəzərdən keçiriblər.
DOST modeli Moldovada pilot mərhələdə tətbiq olunacaq
Azərbaycanın DOST modeli Moldovada pilot mərhələdə tətbiq ediləcək. Bu məqsədlə DOST Agentliyi ilə Moldova Respublikasının Milli Sosial Sığorta Kassası arasında Anlaşma Memorandumu imzalanıb. Sənəd sosial xidmətlərin daha səmərəli təşkili, “bir pəncərə” prinsipi əsasında xidmətlərin göstərilməsi və müasir sosial təminat sistemlərinin inkişafını nəzərdə tutur. Tərəflər DOST modelinin Moldova sosial sisteminə uyğunlaşdırılması üzrə əməkdaşlıq edəcəklər. Memorandum çərçivəsində təcrübə mübadiləsi, texniki dəstək və birgə layihələrin həyata keçirilməsi planlaşdırılır. Azərbaycan sosial xidmət sahəsində əldə etdiyi təcrübəni beynəlxalq əməkdaşlıq vasitəsilə paylaşmağa davam edir.
Tərtərdə DOST filialı fəaliyyətə başladı
DOST xidmətləri şəbəkəsinin ölkə boyu genişləndirilməsi istiqamətində növbəti addım olaraq Tərtər rayonunda Qarabağ Regional DOST Mərkəzinin DOST filialı fəaliyyətə başlayıb. Əmək və əhalinin sosial müdafiəsi naziri Anar Əliyev, Tərtər Rayon İcra Hakimiyyətinin başçısı Müstəqim Məmmədov filialda yaradılan şəraiti və xidmətlərin göstərilməsi prosesini nəzərdən keçiriblər.
DOST mərkəzlərində 4 milyonuncu vətəndaşa xidmət göstərildi
DOST mərkəzlərində xidmət göstərilən vətəndaşların sayı 4 milyona çatıb. 4 milyonuncu vətəndaşa - Bakının Xəzər rayon sakini Firuz Novruzova 2 saylı Bakı DOST Mərkəzində müraciətinə uyğun xidmət göstərilib.
TDT əmək, məşğulluq və sosial müdafiə nazirlərinin I iclasının iştirakçıları 1 saylı DOST Mərkəzi və DOST İnklüziv İnkişaf və Yaradıcılıq Mərkəzində olublar
Ölkəmizdə keçirilən Türk Dövlətləri Təşkilatı (TDT) əmək, məşğulluq və sosial müdafiə nazirlərinin birinci iclasının iştirakçıları 1 saylı DOST Mərkəzi ilə tanış olublar.
İsmayıllıdakı “DOST Evi”nin açılışından 2 il ötür
Bu gün Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzinin İsmayıllı rayonundakı “DOST Evi” filialının açılışından 2 il ötür.
DOST Agentliyində Serbiya nümayəndə heyəti ilə görüş olub
DOST Agentliyində ölkəmizdə səfərdə olan Serbiyanın ailə rifahı və demoqrafiya naziri xanım Yelena Zariç Kovaceviçin başçılıq etdiyi nümayəndə heyəti ilə görüş olub.
Abşeron DOST Mərkəzinin fəaliyyəti bərpa edilib
Xırdalan şəhərində yerləşən Abşeron DOST Mərkəzində bu gündən etibarən vətəndaşlara xidmət tam bərpa edilib. "Xatırladaq ki, bir neçə gün öncə mərkəzin inzibati binasında baş vermiş yanğın səbəbindən fəaliyyət müvəqqəti olaraq dayandırılmışdı. Hadisədən sonra aparılan zəruri təmir-bərpa işləri artıq başa çatdırılıb və mərkəz yenidən normal iş rejimində fəaliyyətini davam etdirir.
