Ombudsmana yeni səlahiyyət veriləcək
“Uşaq hüquqları haqqında” qanun layihəsi uşaq hüquqlarının həyata keçirilməsinə dövlət nəzarəti mexanizmi, əlaqələndirmə, nəzarət və monitorinqin həyata keçirilməsi, bu sahədə Ombudsmanın vəzifə və səlahiyyətlərinin müəyyən ediləcək. Bunu İnsan Hüquqları üzrə Müvəkkil (Ombudsman) Səbinə Əliyeva Milli Məclisin Ailə, qadın və uşaq məsələləri komitəsinin bugünkü iclasında deyib.
Azərbaycanda gender bərabərliyi sahəsində İşçi Qrup yaradılacaq
“Azərbaycan Respublikasında gender (kişi və qadınların) bərabərliyi üzrə 2026 – 2028-ci illər üçün Milli Fəaliyyət Planı” həyata keçirilməsinin əlaqələndirilməsi məqsədilə İşçi Qrup yaradılacaq. Qərara əsasən, Ailə, Qadın və Uşaq Problemləri üzrə Dövlət Komitəsi Milli Fəaliyyət Planının həyata keçirilməsinin əlaqələndirilməsi məqsədilə əsas və digər icraçı orqanların (qurumların) rəhbərlərinin müavinlərindən ibarət məsul şəxslərin təmsil olunduğu İşçi Qrup yaratmalı və bu barədə məlumatı 2026-cı il fevralın 1-dək Nazirlər Kabinetinə təqdim etməlidir.
Mənəvi Dəyərlərin Təbliği Fondunun Himayəçilik Şurasının iclası keçirilib
Yanvarın 13-də Dini Qurumlarla İş üzrə Dövlət Komitəsinin tabeliyində fəaliyyət göstərən Mənəvi Dəyərlərin Təbliği Fondunun Himayəçilik Şurasının iclası keçirilib.
Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva “Tut Əlimdən” Uşaqlar üçün Sosial Reabilitasiya Mərkəzində bayram tədbirində iştirak ediblər
Ailə, Qadın və Uşaq Problemləri üzrə Dövlət Komitəsinin təşəbbüsü və təşkilatçılığı ilə “Tut Əlimdən” Uşaqlar üçün Sosial Reabilitasiya Mərkəzində 31 Dekabr – Dünya Azərbaycanlılarının Həmrəyliyi Günü və Yeni il münasibətilə bayram şənliyi təşkil olunub. Bayram tədbirində Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva iştirak ediblər.
Qadınların rolu və dini icmaların töhfəsi Azərbaycan cəmiyyətində önəmli mövzudur - Bahar Muradova
Azərbaycan Din Xadimlərinin II Forumu çərçivəsində çıxış edən Ailə, Qadın və Uşaq Problemləri üzrə Dövlət Komitəsinin sədri Bahar Muradova Azərbaycan cəmiyyətində dini dözümlülük, multikulturalizm və dünyəvi dövlət prinsiplərinin rolunu vurğulamış, dini icmaların qadınların sosial və mənəvi inkişafına töhfəsini qeyd etmişdir. Bahar Muradova çıxışında bildirib ki, Prezident İlham Əliyevin müəyyən etdiyi dövlət siyasətində ailə, sağlam mənəviyyat və sosial ədalət mərkəzi yer tutur. Azərbaycan Konstitusiyasına əsasən ölkə dünyəvi dövlət olmaqla yanaşı, milli-mənəvi dəyərləri qoruyur və bütün dinlərə bərabər münasibət göstərir.
Yetkinlik yaşına çatmayanların evliliyinin təşkili cinayət məsuliyyəti daşıyır - Bahar Muradova
Həm qızlar, həm də oğlanlar üçün nikah yaşının 18 olaraq müəyyən olunmasına nail olmuşduq. Lakin bu sahədə bəzi istisnalar qalmaqda idi. Bunu bu gün “Ailə, qadın və uşaq məsələləri Azərbaycan qanunvericiliyində” adlı mətbuat konfransında Ailə, Qadın və Uşaq Problemləri üzrə Dövlət Komitəsinin sədri Bahar Muradova çıxış zamanı səsləndirib.
Azərbaycan və Belarus XİN-ləri arasında konsulluq məsləhətləşmələri keçirilib
Bakı şəhərində Azərbaycan Respublikasının Xarici İşlər Nazirliyi və Belarus Respublikasının Xarici İşlər Nazirliyi arasında növbəti konsulluq məsləhətləşmələri keçirilib.
