Gürcüstan - Azərbaycan sərhədi yaxınlığında qəza keçirən Türkiyə hərbi təyyarəsində xarici müdaxilə olmadığı təsdiqləndi
Ankara Respublika Baş Prokurorluğu tərəfindən Gürcüstan-Azərbaycan sərhədində qəzaya uğrayan Türkiyə Hərbi Hava Qüvvələrinə məxsus "C-130" tipli hərbi yük təyyarəsi ilə bağlı aparılan istintaq çərçivəsində mühüm kriminal hesabat açıqlanıb.Sənəddə təyyarənin qalıqları üzərində hər hansı xarici müdaxilə və ya partlayıcı maddə izinə rast gəlinmədiyi bildirilir. Xatırladaq ki, 2025-ci il noyabrın 11-də Gürcüstanın Kaxeti bölgəsində baş verən bu qəza nəticəsində 20 hərbçi şəhid olmuşdu.
C-130 hərbi yük təyyarəsinin qalıqları Kayseridə təhlil olunacaq - Türkiyə MN
11 noyabrda Azərbaycan-Gürcüstan sərhədində qəzaya uğrayan C-130 hərbi yük təyyarəsi ilə bağlı araşdırmalar davam edir. Türkiyə Milli Müdafiə Nazirliyi (MSB) açıqlayıb ki, hadisə yerində aparılan qəzaya/bərpa işləri yekunlaşıb və komanda artıq Türkiyəyə qayıdıb. Bildirilib ki, hadisə yerindəki təyyarə qalıqları Kayseridəki 2-ci Əsas Baxım Fabrika İdarəsinə göndərilməkdədir və təhlil prosesinə başlanacaq.
Təyyarə qəzasının səbəbləri hərtərəfli araşdırılır - Ərdoğan
Təyyarənin düşməsi ilə bağlı araşdırmalar çoxşaxəli şəkildə davam edir və Müdafiə Nazirliyi mövzu ilə bağlı ətraflı açıqlamalar verəcək. Ərdoğan bu sözləri TBMM-də partiyasının qrup iclasında çıxış edərəkən bildirib. Ərdoğan bildirib ki, keçən həftə şəhid olan 20 əsgər və yanğınsöndürmə təyyarəsində həyatını itirən əsgərlərin ailələrinə başsağlığı verib.
Qəzaya dair ilkin məlumatlar barədə yayılan xəbərlər həqiqəti əks etdirmir - Türkiyə MN
Türkiyənin Müdafiə Nazirliyi, bir qəzetdə “Herkül ilə bağlı ilkin tespitlər” başlığı ilə yayımlanan xəbərdə yer alan məlumatların həqiqəti əks etdirmədiyini açıqlayıb. Nazirlik bildirir ki, xəbərdə qeyd olunan məqamlar davam edən araşdırmalar nəticəsində əldə olunmuş məlumatlar deyil, mənbəyi məlum olmayan şərhlərə əsaslanır. Bəyanatda, qəzaya uğramış təyyarənin qalıqlarında araşdırmaların davam etdiyi vurğulanıb.
C-130 təyyarələrinin uçuşları tədbir məqsədilə dayandırılıb - Türkiyə MN
Milli Müdafiə Nazirliyi açıqlayıb ki, C-130 tipli hərbi yük təyyarəsinin Gürcüstan–Azərbaycan sərhədində düşməsindən sonra inventarda olan digər C-130 təyyarələrinin uçuşları tədbir məqsədilə dayandırılıb. Azərbaycanın Qarabağ zəfərinin 5-ci ildönümü münasibətilə orada olan birliyi daşıyan C-130 tipli hərbi yük təyyarəsi Türkiyəyə qayıtmaq üçün havalandıqdan qısa müddət sonra Gürcüstan–Azərbaycan sərhədinə yaxın Signagi bölgəsində düşüb və nəticədə 20 türk əsgəri şəhid olub.
Gürcüstanda düşən Türkiyə C-130 təyyarəsindəki son şəhidin də nəşi tapılıb
Azərbaycandan Türkiyəyə uçmaq üçün qalxan və Gürcüstan-Azərbaycan sərhədinə yaxın ərazidə düşən C-130 tipli hərbi kargo təyyarəsindəki son hərbçinin də nəşi tapılıb. bu barədə Türkiyə Milli Müdafiə Nazirliyi açıqlama verib. Nazirlik həmçinin qeyd edib ki, bölgədə aparılan axtarış-xilasetmə əməliyyatları tamamlanıb və bütün itkilər müəyyən edilib.
Gürcüstanda qəzaya uğrayan hərbi təyyarənin qara qutusu Türkiyəyə gətirilib
Gürcüstanın Kaxeti bölgəsində qəzaya uğrayan Türkiyə Hərbi Hava Qüvvələrinə (THK) məxsus C-130 tipli hərbi yük təyyarəsinin “qara qutusu” Türkiyəyə gətirilib. Kaxeti bölgəsinin Siqnaxi bələdiyyəsinə aid dağlıq ərazidə yerə çırpılan C-130 tipli hərbi təyyarə ilə bağlı qəza araşdırma və axtarış-xilasetmə işləri helikopterlərin dəstəyi ilə davam etdirilib. Gürcüstan Daxili İşlər Nazirliyinə tabe olan qruplar və Gürcüstan ordusunun bölmələri də əməliyyatlara fəal şəkildə cəlb olunub. Axtarış-xilasetmə işləri Gürcüstanın daxili işlər naziri Geka Geladze və müdafiə naziri İrakli Çikovani tərəfindən yerində izlənib.
Təyyarəmizin qara qutusu tapılıb, araşdırmalar başladılıb - Ərdoğan
Türkiyə Prezidenti və AK Parti sədrı Rəcəb Tayyib Ərdoğan Azərbaycan sərhədinə yaxın bölgədə baş vermiş hərbi C-130 təyyarəsi qəzası ilə bağlı məlumat verib. Ərdoğan, bunu partiyasının Genişləndirilmiş İl Başçılar Toplantısında çıxışı zamanı bildirib. Ərdoğan qeyd edib ki, qəza nəticəsində 20 türk hərbçisi şəhid olub. O, şəhidlərin adlarını xüsusi hörmətlə yad edib. Prezident bildirib ki, hadisə Azərbaycan ilə Gürcüstan sərhədinə yaxın Sığnacı bölgəsində baş verib və təyyarə Qarabağ zəfərinin 5-ci ildönümü tədbirləri üçün Azərbaycana gedən birliyi daşıyırmış.
Türkiyə XİN başçısı Gürcüstanda qəzaya uğrayan təyyarə ilə bağlı açıqlama verib
Azərbaycandan ölkəmizə qayıdan Türkiyə hərbi yük təyyarəsinin Gürcüstanda qəzaya uğraması ilə bağlı axtarış-xilasetmə tədbirləri Türkiyə tərəfindən Gürcüstan tərəfi ilə birlikdə yaxından izlənir.
