BAKI, AzerVoice, Nailə Babazadə
Milli Müdafiə Nazirliyi açıqlayıb ki, C-130 tipli hərbi yük təyyarəsinin Gürcüstan–Azərbaycan sərhədində düşməsindən sonra inventarda olan digər C-130 təyyarələrinin uçuşları tədbir məqsədilə dayandırılıb.
AzerVoice xəbər verir ki, Azərbaycanın Qarabağ zəfərinin 5-ci ildönümü münasibətilə orada olan birliyi daşıyan C-130 tipli hərbi yük təyyarəsi Türkiyəyə qayıtmaq üçün havalandıqdan qısa müddət sonra Gürcüstan–Azərbaycan sərhədinə yaxın Siqnaxi bölgəsində düşüb və nəticədə 20 türk əsgəri şəhid olub.
Milli Müdafiə Nazirliyi uçuşun düşməsi ilə bağlı iddialara cavab verib:
Təyyarədə sursat var idimi?
Təyyarədə yalnız heyət üzvləri və təyyarə texniki avadanlıqları olub. Sursat daşınmırdı.
Təyyarənin düşmə səbəbi məlumdurmu?
Hazırda bu barədə dəqiq açıqlama vermək üçün erkəndir. Hadisənin səbəbi davam edən qəza araşdırmasından sonra müəyyən ediləcək.
Radar qeydlərinə görə bölgədə helikopter olubmu?
Uçuşdan sonra bölgəyə gedən və təyyarə ilə əlaqə yaratmağa çalışan helikopter Gürcüstan ordusuna məxsusdur.
Təyyarənin Səudiyyə Ərəbistanından alındığı iddiası doğrudurmu?
Təyyarə 21 yanvar 2012-ci ildə Səudiyyə Ərəbistanından alınıb, baxımdan sonra 2014-cü ildə inventara daxil edilib. Modernləşdirildikdən sonra 2022-ci ildən istifadəyə verilib və bu günə qədər müntəzəm baxımlarla xidmət göstərib. Təyyarə istifadəçi ölkə tərəfindən istifadədən çıxarılmayıb, sadəcə ehtiyac fazlasıdır. C-130 təyyarələri hələ də Səudiyyə Ərəbistanı tərəfindən istifadə olunur.
Düşən təyyarə köhnə və baxımsız idimi?
Köhnə təyyarə yoxdur, baxımsız təyyarə ola bilər. Təyyarələrin baxımları ölkəmiz tərəfindən müntəzəm həyata keçirilir. C-130 təyyarələri hazırda 70-dən çox ölkədə aktivdir.
Düşən təyyarənin baxım tarixi göstərir ki:
Təyyarəyə Erciyes Aviyonik modernləşdirilməsi tətbiq olunub, planlı gövdə, mühərrik və pervane baxımları vaxtında aparılıb.
Son baxımı 11 sentyabr – 12 oktyabr 2025-ci tarixlərində həyata keçirilib.
Qara qutu ölkəyə gətirilib mi?
Düşən təyyarəyə aid qara qutu (FDR – Flight Data Recorder və CVDR – Cockpit Voice Data Recorder) cihazları araşdırılmaq məqsədilə ölkəmizə gətirilib və Ankarada incələnir.
İnventardakı digər C-130 təyyarələri uçacaqmı?
Təyyarələrin uçuşları 12 noyabr 2025-ci il tarixindən etibarən tədbir məqsədilə dayandırılıb. Bütün texniki araşdırmalar tamamlandıqdan sonra uçuşlar yenidən başlayacaq.
