Cənubi Amerika bloku yeni iqtisadi tərəfdaşlar axtarır
Cənubi Amerika ticarət bloku Merkosur Yaponiya ilə iqtisadi tərəfdaşlıq sazişi üzrə danışıqlara başlayıb. Tərəflər ticarət əlaqələrinin genişləndirilməsini və yeni bazar imkanlarının yaradılmasını müzakirə edirlər. Mümkün razılaşma təxminən 400 milyon insanı əhatə edən böyük azad ticarət məkanı formalaşdıra bilər. Bu məkanın ümumi daxili məhsulunun 7 trilyon dollar olacağı bildirilir. Danışıqlar Merkosurun Avropa İttifaqı ilə əldə etdiyi son razılaşmadan sonra başlayıb. ABŞ-nin tətbiq etdiyi geniş tariflər ölkələri iqtisadi əlaqələrini şaxələndirməyə sövq edir. Merkosur bu fonda yeni tərəfdaşlıq imkanlarını artırmağa çalışır.
Çilinin yeni prezidenti vəzifəsinin icrasına başlayıb
2025-ci il dekabrın 14-də keçirilən prezident seçkilərinin ikinci turunda qalib gələn 60 yaşlı Xose Antonio Kast Valparaiso şəhərində yerləşən Milli Konqresdə keçirilən mərasimdə and içərək rəsmi şəkildə vəzifəyə başlayıb. Mərasim zamanı prezident səlahiyyətlərinin rəmzi olan prezident kəməri Kastın üzərinə taxılıb. Səlahiyyət müddəti başa çatan sabiq prezident Qabriel Boriç də tədbirdə iştirak edərək dövlət başçılığı simvolu hesab olunan “Pioça de O'Higgins” nişanını yeni prezidentə təqdim edib.
Venesuela prezidenti ABŞ-ı tənqid edib
Paytaxt Karakasda Milli Assambleyada çıxış edən Maduro ABŞ-ın planlarını “cinayətkar və qanunsuz” adlandırıb. Onun sözlərinə görə, Vaşinqtonun Venesuelaya qarşı hərəkətləri beynəlxalq hüquqa ziddir və suveren dövlətə qarşı güc tətbiqi qadağasını pozur. Dəstək göstərən ölkələrə təşəkkür edən Maduro bildirib ki, ABŞ-ın Cənubi Amerikada silahlı qarşıdurma yaratmaq cəhdləri qəbulolunmazdır. “Venesuela yenidən qalib gələcək, yenidən sülh, sabitlik və inkişaf əldə edəcək. Allah bizimlədir, çünki Allah cəsurların və ədalətlilərin yanındadır”, – deyə dövlət başçısı vurğulayıb. Maduro həmçinin ABŞ-ın bir çox ölkələrdə hərbi müdaxilə cəhdlərinin uğursuzluqla nəticələndiyini xatırladaraq, eyni ssenarinin Venesuelada da nəticə verməyəcəyini bildirib.
Dənizə çıxışı olmayan ölkələrin tarixində yeni bir səhifə aça bilərik - Quttereş
Birləşmiş Millətlər Təşkilatının (BMT) Baş katibi Antonio Quterreş Türkmənistanın Avaza turizm bölgəsində keçirilən Dənizə çıxışı olmayan inkişaf etməkdə olan ölkələrin (LLDC) 3-cü Konfransının açılışında çıxış edərək bu ölkələrin inkişaf potensialına diqqət çəkib. Baş katib bildirib ki, LLDC ölkələrinin uğuru, 2030 Davamlı İnkişaf Gündəliyinin həyata keçirilməsi üçün həyati əhəmiyyət daşıyır. “Birlikdə dənizə çıxışı olmayan inkişaf etməkdə olan ölkələrin tarixində yeni bir səhifə aça bilərik”, – deyə Quterreş qeyd edib.
