İran Bəhreyni bombalayır - Krallıqda güclü partlayışlar və siren səsləri eşidilir

Regionda artan hərbi gərginlik Körfəz ölkələrinə də sirayət edir. Bəhreynin rəsmi media resurslarının yaydığı təcili məlumata əsasən, ölkənin müxtəlif bölgələrində güclü partlayış səsləri eşidilib. Hadisə fonunda krallıq ən yüksək təhlükəsizlik səviyyəsinə keçib. Bəhreyn Daxili İşlər Nazirliyi rəsmi bəyanat yayaraq hava həyəcanı siqnallarının işə salındığını təsdiqləyib. Nazirlik ölkə ərazisində yaşayan bütün vətəndaşlardan və xarici şəxslərdən dərhal ən yaxın təhlükəsiz məkanlara – sığınacaqlara yönəlməyi tələb edib.