Livanın xarici işlər naziri İranı ölkənin daxili işlərinə qarışmamağa çağırıb
Livanın xarici işlər naziri Yusif Racci İran rəsmilərini ölkənin daxili işlərinə qarışmamağa çağırıb. O, Tehranla münasibətlərin müəyyən edilmiş diplomatik qaydalar əsasında qurulmalı olduğunu bildirib. Racinin sözlərinə görə, İranın Livandakı diplomatik nümayəndəliyi ilə normal münasibətlərin bərpası üçün Tehran Livan dövlətinin qərarlarına hörmət etməlidir. Nazir İran rəsmilərinin Livanın daxili məsələlərinə müdaxiləsinin dayandırılmasını tələb edib. O, son nümunə kimi İran parlamentinin sədri Məhəmməd Baqir Qalibafın açıqlamalarını göstərib. Qalibafın konkret hansı fikirlərinin nəzərdə tutulduğu barədə əlavə məlumat verilməyib. Beyrut ölkənin daxili məsələlərinə dair qərarların yalnız Livan dövlətinin səlahiyyətində olduğunu vurğulayır. Racinin açıqlaması Livan–İran münasibətlərində siyasi fikir ayrılıqlarının davam etdiyini göstərir.
Hikmət Hacıyevin fikirləri "Türkiye Gazetesi"ndə təhrif olunub
Prezidentin köməkçisi Hikmət Hacıyev "Türkiye Gazetesi"ndə yayımlanan reportajda ona aid edilən bəzi fikirlərin təhrif olunduğunu bildirib. O, jurnalist Yılmaz Bilgenin hazırladığı materialda sitatlarının düzgün təqdim edilmədiyini qeyd edib. Hikmət Hacıyev əlavə edib ki, Azərbaycan milli maraqlarını rəhbər tutaraq müstəqil və prinsipial xarici siyasət yürütməyə davam edir.
Qətər İrlandiyanın İsrail yaşayış məntəqələri ilə bağlı qərarını alqışlayıb
Qətər İrlandiyanın İsrail yaşayış məntəqələrindən idxal olunan mallara qadağa tətbiq etməsini alqışlayıb. Doha bu qərarı yaşayış məntəqələrinin genişlənməsinin qarşısının alınması istiqamətində mühüm addım adlandırıb. Qətər digər ölkələri də oxşar qərarlar qəbul etməyə çağırıb. Xarici İşlər Nazirliyi beynəlxalq ictimaiyyətin hüquqi və mənəvi öhdəliklərini yerinə yetirməsinin vacibliyini vurğulayıb. İrlandiyada qanun parlament tərəfindən iyulun 7-də qəbul edilib və sonradan qüvvəyə minib. Tənqidçilər isə qadağanın xidmət sektorunu əhatə etmədiyini bildiriblər. Qətər Fələstin məsələsində iki dövlətli həll modelinə dəstəyini bir daha ifadə edib.
Azərbaycan XİN Fransanın Martin Rayanla bağlı bəyanatını qətiyyətlə rədd edib
XİN Fransanı Azərbaycanın suverenliyinə və müstəqil məhkəmə sisteminə hörmət etməyə çağırıb.
Paris Tehrandan diplomatik heyətin təhlükəsizliyini tələb edir
Fransa Tehrandakı səfirlik əməkdaşları ilə bağlı insidentdən sonra İran diplomatını çağırıb. Paris İran təhlükəsizlik qüvvələrinin fransız diplomatlara qarşı hərəkətlərini beynəlxalq hüququn pozuntusu adlandırıb. Fransa hadisənin qəsdən törədildiyini bildirib. Paris İran hakimiyyətindən araşdırma aparmağı və məsul şəxsləri cəzalandırmağı tələb edib. Həmçinin diplomatik heyətin təhlükəsizliyinin təmin olunması çağırışı edilib. Hadisə Fransa-İran münasibətlərində yeni gərginlik yaradıb.
Qətərin sərt bəyanatı Yaxın Şərqdə qüvvələr nisbətini dəyişə bilərmi?
Qətər İranın öz ərazisinə, Körfəz ölkələrinə və İordaniyaya qarşı həyata keçirdiyi hücumları beynəlxalq hüququn kobud şəkildə pozulması kimi qiymətləndirib. Rəsmi Doha bu addımların dövlətlərin suverenliyinə və ərazi bütövlüyünə yönəlmiş təhlükəli hərəkətlər olduğunu bildirib. Qətər İranı baş verənlərə görə tam hüquqi məsuliyyət daşıyan tərəf hesab etdiyini açıqlayıb. Bəyanatda ölkənin beynəlxalq hüquqa uyğun olaraq özünü müdafiə etmək hüququnun qorunduğu vurğulanıb. Qətər ərazi bütövlüyünü müdafiə edən dövlətlərlə həmrəy olduğunu da bəyan edib. Rəsmi Doha bütün hərbi əməliyyatların dərhal dayandırılmasına çağırış edib. Eyni zamanda tərəflərin gərginliyi artıracaq addımlardan çəkinməsi və danışıqlar masasına qayıtmasının vacibliyi qeyd olunub. Qətər diplomatik razılaşmalara əməl olunmasının bölgədə sabitliyin bərpası üçün əsas şərtlərdən biri olduğunu bildirib.
Dövlətdən kənar silahlı qüvvələrə yer yoxdur - Yusif Rəcci
Livanın xarici işlər naziri Yusif Rəcci Hizbullahın silahlı qanadının ləğvinin ölkənin suveren qərarı olduğunu bildirib. O, Livanda dövlət hakimiyyətindən kənar silahlı qüvvələrə yer olmadığını vurğulayıb. Nazirin sözlərinə görə, bu qərar ABŞ-də İsraillə əldə olunmuş çərçivə razılaşmasından əvvəl qəbul edilib. Rəcci müharibə, sülh və xarici siyasət qərarlarının yalnız dövlətin səlahiyyətində olacağını deyib. O həmçinin Livan ordusunun bütün ölkə ərazisində yerləşdirilməsinin İsrailin Livan torpaqlarından tam çıxması ilə bağlı olduğunu qeyd edib. Vaşinqtonda əldə olunan çərçivə razılaşması İsrailin Livana qarşı hərbi əməliyyatlarının dayandırılmasını və silahlı qrupların tərksilahını nəzərdə tutur. Həmin sənəddə Hizbullahın adı çəkilməsə də, açıqlamalarda bu təşkilatın nəzərdə tutulduğu bildirilir. Mövzu Livanda təhlükəsizlik və siyasi gündəmin əsas məsələlərindən biri olaraq qalır.
Müctəba Xamenei yeni “sərt xətt” siyasətinə keçib
İranın yeni ali rəhbərinin xarici siyasətdə daha sərt xəttə üstünlük verdiyi bildirilir. Əli Əkbər Dəreyni bu yanaşmanın Hörmüz boğazı ilə bağlı siyasətdə də özünü göstərdiyini deyib. O, yeni rəhbərin əvvəlki dövrlə müqayisədə daha iddialı mövqe sərgilədiyini bildirib. Tədqiqatçıya görə, İran strateji keçid nöqtələri üzərində nəzarəti gücləndirməyə çalışır. Eyni zamanda daxili iqtisadi problemlərin ölkə üçün ciddi çağırış olduğu qeyd edilib. Yeni rəhbərliyin prioritetləri arasında milli birlik və korrupsiyaya qarşı mübarizə yer alır. Analitik bu yanaşmanı daha realist siyasi kurs kimi qiymətləndirib.
Hikmət Hacıyev NATO-nun xüsusi nümayəndəsi ilə görüşüb
Azərbaycan ilə NATO arasında əməkdaşlıq məsələləri müzakirə olunub.
Tramp: İran böyük güzəştlər edir
ABŞ Prezidenti Donald Tramp İranın aparılan danışıqlarda böyük güzəştlər etdiyini bildirib. O qeyd edib ki, ABŞ hazırda prosesdə çox böyük fərqlə irəlidədir və ümumi gedişatı müsbət qiymətləndirib. Trampın sözlərinə görə, İran tərəfinin mövqeyində müəyyən yumşalmalar və irəliləyişlər müşahidə olunur. O, bu danışıqların ümumilikdə çox yaxşı getdiyini vurğulayıb, lakin hansı sahələrdə güzəştlərin edildiyi barədə açıqlama verməyib. Tramp həmçinin ABŞ Senatına səfəri öncəsi jurnalistlərə qısa və ümumi xarakterli bəyanatla çıxış edib və prosesin detalları barədə əlavə məlumat paylaşmayıb.
Marko Rubio: İran öhdəliklərə əməl etməsə, sanksiyalar bərpa oluna bilər
ABŞ Dövlət katibi Marko Rubio İranın razılaşma çərçivəsində öhdəliklərə əməl etməli olduğunu bildirib. O, 60 günlük sanksiya güzəştinin müvəqqəti olduğunu deyib. Rubiyo öhdəliklər yerinə yetirilməzsə, sanksiyaların bərpa oluna biləcəyini qeyd edib. ABŞ İranın İsveçrədə əldə etdiyi razılaşmaya sadiq qalmasını gözləyir.
Marko Rubio Birləşmiş Ərəb Əmirliklərindən sonra Küveytə gəlib
ABŞ Dövlət katibi Marko Rubio Birləşmiş Ərəb Əmirliklərindəki görüşlərdən sonra Küveytə səfər edib. Onun Körfəz ölkələrinə səfəri davam edir və əsasən təhlükəsizlik və regional məsələləri əhatə edir. Küveytdə keçiriləcək görüşlərin detalları açıqlanmayıb. ABŞ tərəfi əlavə məlumat verəcəyini bildirib.
