Livan və İsrail sülh prosesi üzrə ortaq razılığa gəlməlidir - ABŞ səfiri
ABŞ-ın Livandakı səfiri Mişel İssa Livan və İsrail arasında davam edən danışıqları müsbət qiymətləndirib. O bildirib ki, tərəflər sülh prosesinin həyata keçirilməsi ilə bağlı ortaq razılığa gəlməlidirlər. Səfir hələ çoxlu texniki məsələlərin həll edilməli olduğunu vurğulayıb. Onun sözlərinə görə, prosesin tələsik aparılması mülki əhalinin təhlükəsizliyini təhlükə altına sala bilər. Mişel İssa ilk mərhələnin düzgün icrasının sonrakı addımları asanlaşdıracağını qeyd edib. ABŞ prosesin ehtiyatlı və mərhələli şəkildə aparılmasını dəstəkləyir.
ABŞ nümayəndəsi: Tramp Livan məsələsinə görə Netanyahu ilə ciddi fikir ayrılığı yaşayıb
ABŞ-ın Livandakı səfiri Mişel İssa Vaşinqton və Təl-Əviv arasında Livan məsələsi ilə bağlı ciddi fikir ayrılıqlarının mövcud olduğuna dair diqqətçəkən açıqlama verib. Onun sözlərinə görə, ABŞ Prezidenti Donald Tramp Livandakı hadisələri yaxından izləyir və bölgədə qarşıdurmanın genişlənməsinin qarşısını almağa çalışır. Səfir bildirib ki, Tramp ilə Benyamin Netanyahu arasında Livanla bağlı mövzularda gərgin müzakirələr yaşanıb və fikir ayrılığı kifayət qədər ciddi olub. Mişel İssa həmçinin Beyrutun cənubuna endirilən zərbələri və İranın raket hücumlarını siyasi mesaj kimi dəyərləndirib. Açıqlama ABŞ və İsrail arasında regiondakı son hadisələrə münasibətdə fərqli yanaşmaların ola biləcəyi ilə bağlı ehtimalları daha da gücləndirib.
Livan - İsrail danışıqlarının üçüncü raundu başlayır - Tərəflərə kimlər rəhbərlik edir?
Livan ilə İsrail arasında keçirilən danışıqların üçüncü raundu bu gün Vaşinqton şəhərində başlayır. Danışıqlar regionda artan gərginlik və davam edən qarşıdurmalar fonunda keçirilir. Livan Səhiyyə Nazirliyinin yaydığı məlumata görə, İsrailin son hava hücumları nəticəsində 22 nəfər həyatını itirib. Ölənlər arasında 8 uşağın olduğu bildirilib.
