“Mikrorayon serialı” - Kriminal dünya gəncləri necə məhv edir?

Azərbaycan televiziya məkanında son illər daha çox ailə dramları, məişət münasibətləri kimi sujet xətti üzərində qurulan layihələr üstünlük təşkil etsə də, bəzi ekran işləri adi serial çərçivəsini aşmağı bacarıb. Bu layihələr tamaşaçını sadəcə hadisələrin ardınca aparmaq deyil, həm də düşündürmək məqsədi daşıyır. Yeni yayımlanmağa başlayan “Mikrorayon” serialı da məhz bu istiqamətdə diqqət çəkən layihələrdən biri kimi görünür. İlk baxışdan kriminal dram kimi təqdim olunan ekran işi əslində küçə həyatından daha çox, insanın daxili dünyasını, sosial mühitin təsirini və seçimlərin taleyə necə çevrildiyini göstərir.