ABŞ məhkəməsi Trampın 75 ölkəyə viza qadağasını dayandırdı
ABŞ-da federal məhkəmə Donald Tramp administrasiyasının aralarında Əfqanıstan, İran, Rusiya və Somalinin də olduğu 75 ölkədən miqrantların viza müraciətlərinin dayandırılması siyasətini qanuna zidd hesab edərək ləğv edib. Nyu-Yorkdakı ABŞ Dairə Məhkəməsinin hakimi Jannet Varqas qərarında ABŞ Dövlət katibi Marko Rubionun bu ölkələrin vətəndaşlarına viza verilməsinin ümumi şəkildə dayandırılmasını nəzərdə tutan siyasətin administrasiyanın səlahiyyətlərini aşdığını bildirib.
FİFA prezidenti ABŞ-də keçiriləcək turnirlə bağlı tənqidlərə cavab verib
Beynəlxalq Futbol Federasiyasının prezidenti Canni İnfantino ABŞ-də keçirilən 2026-cı il futbol üzrə dünya çempionatı ərəfəsində yaranan viza problemləri və bəzi iştirakçıların ölkəyə girişinə icazə verilməməsi ilə bağlı narahatlıqlara cavab verib. Meksikanın paytaxtında keçirilən mətbuat konfransında çıxış edən FIFA rəhbəri bildirib ki, təşkilat əsasən idman qurumu kimi fəaliyyət göstərir və dövlətlərin immiqrasiya siyasətinə müdaxilə etmək səlahiyyətinə malik deyil.
İran milli komandası Meksikaya yola çıxıb
İran milli futbol komandası 2026 FIFA Dünya Kuboku öncəsi hazırlıq düşərgəsini tamamlayaraq Meksikaya səfərə çıxıb. Komandanın oyunçuları ABŞ vizalarını əldə edib və ABŞ-a səfər üçün heç bir problem yaşamır. Lakin inzibati və texniki heyətin bir hissəsi hələ ABŞ vizası ala bilməyib. Vizaların təmin edilməsi istiqamətində səylər İran Futbol Federasiyası və FIFA tərəfindən davam etdirilir. Komanda Tixuanada baza yaradacaq, lakin Q qrupunda keçiriləcək oyunların bir hissəsi ABŞ ərazisində keçiriləcək.
