Azərbaycan ilə bp arasında mədəni əməkdaşlığın genişləndirilməsi müzakirə olunub
Azərbaycanın mədəniyyət naziri Adil Kərimli bp-nin Xəzər, Mərkəzi Asiya və Türkiyə üzrə bölgə prezidenti Cio Kristofoli ilə görüşüb. Tərəflər Azərbaycan ilə bp arasında mədəniyyət sahəsində mövcud əməkdaşlığı müzakirə ediblər. Şirkətin muzeylərə, sərgilərə və yaradıcı təşəbbüslərə göstərdiyi dəstək yüksək qiymətləndirilib. Görkəmli mədəniyyət xadimlərinin irsinə dair nəşrlərə verilən töhfə də xüsusi qeyd olunub. Cio Kristofoli Azərbaycanda mədəni layihələrə dəstəyin davam etdiriləcəyini bildirib. Görüşdə tarixi filmlərin çəkilişi sahəsində əməkdaşlıq imkanları da nəzərdən keçirilib. Adil Kərimli Cio Kristofolini Mədəniyyət Nazirliyinin Yaradıcı Mərkəzi ilə tanış olmağa dəvət edib. O, həmçinin bp nümayəndəsini Bakıda keçiriləcək VII Ümumdünya Mədəniyyətlərarası Dialoq Forumuna dəvət edib.
XV Qəbələ Beynəlxalq Musiqi Festivalının açılışı olub
XV Qəbələ Beynəlxalq Musiqi Festivalının rəsmi açılışı keçirilib. Festivalın ilk konsertində Bakı Musiqi Akademiyasının Tələbə Simfonik Orkestri çıxış edib. Fərhad Bədəlbəyli festivalın artıq 15 ildir uğurla təşkil olunduğunu bildirib. Açılış gecəsində Azərbaycan və Avropa bəstəkarlarının əsərləri səsləndirilib. Festival avqustun 3-dək davam edəcək. Tədbirdə doqquz ölkədən musiqiçilər və rəqqaslar iştirak edirlər.
Mədəniyyət naziri Adil Kərimli Azərbaycan Yazıçılar Birliyinin sədri Anarla görüşüb
Mədəniyyət naziri Adil Kərimli Azərbaycan Yazıçılar Birliyinin sədri Anarla görüşüb. Görüşdə ölkədə ədəbi prosesin inkişafı və müasir Azərbaycan ədəbiyyatının dəstəklənməsi müzakirə olunub. Tərəflər kitabxana işinin təkmilləşdirilməsi və mütaliə mədəniyyətinin təşviqi məsələlərinə toxunublar. Gənc yazarların yaradıcılıq imkanlarının genişləndirilməsi də əsas müzakirə mövzularından olub. Həmçinin dövlət sifarişli filmlər üçün ədəbi əsərlərin seçilməsi və ssenarilərin hazırlanması barədə fikir mübadiləsi aparılıb. Görkəmli ədiblərin həyat və yaradıcılığına həsr olunan filmlərin çəkilməsi məsələsi də gündəmdə olub. Tərəflər əməkdaşlığın milli ədəbiyyatın inkişafına töhfə verəcəyini bildiriblər.
Azərbaycan və Pakistan mədəni əməkdaşlığın genişləndirilməsini müzakirə edib
Azərbaycanın mədəniyyət naziri Adil Kərimli Pakistanın Azərbaycandakı səfiri Qasım Mohiuddin ilə görüşüb. Görüşdə Azərbaycan-Pakistan münasibətlərinin yüksək səviyyədə olduğu vurğulanıb. Tərəflər mədəniyyət sahəsində əməkdaşlığın genişləndirilməsi imkanlarını müzakirə ediblər. Nazir iki ölkə liderləri arasında mövcud dostluq və etimadın münasibətlərin əsasını təşkil etdiyini bildirib. Pakistan tərəfi də mədəni əlaqələrin inkişafında maraqlı olduğunu ifadə edib. Görüşdə müxtəlif mədəni layihələr üzrə əməkdaşlıq perspektivləri nəzərdən keçirilib. Tərəflər qarşılıqlı əməkdaşlığın davam etdirilməsinin vacibliyini qeyd ediblər.
Şuşada “Sözün həsrəti–Heydərbabaya salam" adlı bədii-musiqili kompozisiya nümayiş olunub
Mədəniyyət Nazirliyi və Heydər Əliyev Fondunun birgə təşkilatçılığı ilə Şuşa şəhərində keçirilən Vaqif Poeziya Günləri çərçivəsində “Sözün həsrəti–Heydərbabaya salam" adlı bədii-musiqili kompozisiya nümayiş olunub.
Dövlət Xidməti daha bir beynəlxalq mükafata layiq görülüb
Mədəni İrsin Qorunması, İnkişafı və Bərpası üzrə Dövlət Xidməti beynəlxalq mükafat qazanıb. Qurum mədəni irsin rəqəmsallaşdırılması və məlumatlara əsaslanan mühafizə sahəsində əldə etdiyi nəticələrə görə fərqləndirilib. Mükafat Birləşmiş Ərəb Əmirliklərində keçirilən beynəlxalq müsabiqə çərçivəsində təqdim olunub. Qiymətləndirmə zamanı tarixi abidələrin rəqəmsal qeydiyyatı, vahid məlumat bazalarının yaradılması və yenilikçi idarəetmə üsullarının tətbiqi nəzərə alınıb. Dövlət Xidmətinin altı istiqamət üzrə təqdim etdiyi elektron xidmətlər də yüksək qiymətləndirilib. Vətəndaşların müraciətlərini rəqəmsal qaydada izləyə bilməsi şəffaflığı və xidmət keyfiyyətini artıran amil kimi göstərilib. Mükafat qurumun rəqəmsal inkişaf sahəsində gördüyü işlərin beynəlxalq səviyyədə tanındığını təsdiqləyir. Bu, Dövlət Xidmətinin cari ildə qazandığı növbəti beynəlxalq uğurdur.
Azərbaycan və Gürcüstan mədəni əməkdaşlığın yeni istiqamətlərini müzakirə edib
Azərbaycan və Gürcüstan mədəniyyət sahəsində əməkdaşlığın yeni mərhələsinə qədəm qoyur. Bakıda keçirilən Birgə İşçi Qrupunun 3-cü iclasında iki ölkə arasında mədəni-humanitar əlaqələrin inkişaf perspektivləri müzakirə olunub. Tərəflər teatr, muzey, kitabxana, kino, mədəni irsin qorunması və yaradıcı sənayelər sahəsində əməkdaşlığın genişləndirilməsinin vacibliyini vurğulayıblar. Azərbaycan və Gürcüstanı ortaq tarix və zəngin mədəni irsin birləşdirdiyi qeyd olunub. Görüşdə mütəxəssislərin qarşılıqlı təcrübə mübadiləsi və birgə layihələrin həyata keçirilməsi ilə bağlı fikir mübadiləsi aparılıb. Tərəflər mədəni əlaqələrin strateji tərəfdaşlığın mühüm istiqamətlərindən biri olduğunu bildiriblər. İclasın sonunda əməkdaşlığın gələcək inkişafını nəzərdə tutan protokol imzalanıb.
“Türk Dünyası Həftəsi”nin iştirakçıları Xankəndi Bəyannaməsini qəbul ediblər
“Türk Dünyası Həftəsi” çərçivəsində Xankəndi Bəyannaməsi qəbul edilib.
Azərbaycanda Türk Dünyası Həftəsi keçirilir
Elm və mədəniyyətlə bağlı silsilə tədbirlərdən ibarət həftə Azərbaycan Respublikasının Prezidenti İlham Əliyevin “Birinci Türkoloji Qurultayın 100 illik yubileyinin keçirilməsi haqqında” 22 oktyabr 2025-ci il tarixli Sərəncamına uyğun olaraq gerçəkləşir.
Mədəniyyət nazirinin rəhbərlik etdiyi Azərbaycan nümayəndə heyətinin Özbəkistana səfəri başlanıb
Mədəniyyət naziri Adil Kərimlinin rəhbərlik etdiyi Azərbaycan nümayəndə heyəti Özbəkistana səfərə başlayıb. Heyət Namanqan və Əndican şəhərlərində keçirilən beynəlxalq mədəni tədbirlərdə iştirak edəcək. Forum muğam sənətinin qorunmasına həsr olunub. Əndican “Türk dünyasının mədəniyyət paytaxtı 2026” kimi açılacaq. Səfər mədəni əməkdaşlığın gücləndirilməsi məqsədi daşıyır.
Birinci Türkologiya Qurultayının 100 illiyinə həsr olunmuş “Türk Dünyası Həftəsi” keçiriləcək
29 iyun – 3 iyul tarixlərində Azərbaycanda Birinci Türkologiya Qurultayının 100 illiyinə həsr olunmuş “Türk Dünyası Həftəsi” təşkil olunacaq.
Adil Kərimli Türkmənistanın xarici işlər naziri ilə görüşüb
İyunun 5-də Türkmənistanın xarici işlər naziri Rəşid Meredov ilə Azərbaycan Respublikasının mədəniyyət naziri Adil Kərimli arasında görüş keçirilib. Görüşdə Azərbaycan ilə Türkmənistan arasında mədəni-humanitar əməkdaşlığın mövcud vəziyyəti və inkişaf perspektivləri müzakirə olunub. Tərəflər mədəniyyətin iki qardaş xalq arasında tarixən formalaşmış dostluq və qardaşlıq əlaqələrinin möhkəmləndirilməsində mühüm rol oynadığını vurğulayıblar.
