Universitet seçiminin əsas sualı - Marağınız, bacarığınız və qabiliyyətiniz seçdiyiniz ixtisasa uyğun gəlirmi?

Universitetə qəbul prosesində ən mühüm mərhələlərdən biri olan ixtisas seçimi dövründə tələbələrin yalnız bal göstəricilərinə deyil, həm də şəxsi maraq, bacarıq və qabiliyyətlərinə uyğun qərar verməsi vacib hesab olunur. Mütəxəssislər bildirirlər ki, universitet seçimi yalnız sıralama, universitetin yerləşdiyi şəhər və ya tanınmışlıq əsasında aparılmamalıdır. Bu qərar gənclərin gələcək peşə həyatını müəyyənləşdirən uzunmüddətli seçim olduğuna görə daha peşəkar yanaşma tələb edir.