Misirin Məkkə sazişinə qoşulması mümkündür, Suriyaya səfər edəcəyəm - Ərdoğan
Türkiyə Prezidenti Rəcəb Tayyib Ərdoğan bildirib ki, ölkəsinin bu yaxınlarda Səudiyyə Ərəbistanı və Pakistanla imzaladığı birgə müdafiə müqaviləsinə Misirin də qoşulması mümkündür. Türkiyə lideri ölkəsinin Suriya və Qəzzanı tək qoymayacağını vurğulayaraq, Hörmüz boğazının açılmasının vacibliyini qeyd edib.
Türkiyə “Məkkə sazişi”nin NATO-nun 5-ci maddəsi ilə ziddiyyət təşkil etdiyi iddialarını təkzib edib
Türkiyə, Səudiyyə Ərəbistanı və Pakistan arasında imzalanan “Məkkə Birgə Müdafiə Sazişi”nin NATO-nun 5-ci maddəsi ilə ziddiyyət təşkil etdiyi və alternativ hərbi ittifaq formalaşdırdığı barədə iddialar təkzib edilib. Türkiyə Prezident Administrasiyasının Kommunikasiya İdarəsinin Dezinformasiya ilə Mübarizə Mərkəzi (DMM) sosial media platformalarında yayılan iddiaların həqiqəti əks etdirmədiyini açıqlayıb.
