Əfqanıstanda zəlzələ fəlakəti: - Qırmızı Xaç təcili yardım çağırışı edir
Beynəlxalq Qızıl Xaç və Qızıl Aypara Cəmiyyətləri Federasiyası (IFRC) Əfqanıstanda baş verən zəlzələ ilə bağlı yaydığı açıqlamada, Kunar, Nangarhar və Lağman əyalətlərindəki dağıdıcı zəlzələnin geniş miqyaslı ziyana səbəb olduğunu bildirib. Açıqlamada, zəlzələ nəticəsində bir çox ailənin evsiz qaldığı və təcili humanitar yardıma ehtiyac duyduğu vurğulanıb. Əfqanıstan Qızıl Ayparası fövqəladə hallar qruplarını zərər çəkmiş ərazilərə göndərərək axtarış-xilasetmə və tibbi yardım işlərinə başlayıb. Yaralılar, xüsusilə Nangarhar xəstəxanası kimi sıxlıq yaşanan tibb müəssisələrinə təxliyə edilir.
Malayaziya Qəzza xalqına 23,6 milyon dollar məbləğində dəstək göstərəcək
Malayziyanın baş naziri Ənvər İbrahim Qəzza xalqına dəstək məqsədilə yeni yardım paketi elan edib. Ənvər İbrahim Malayziyanın Qəzzadakı fələstinlilərə təxminən 23,6 milyon ABŞ dolları dəyərində əlavə yardım göstərəcəyini açıqlayıb. Baş nazir həmçinin ölkədə fəaliyyət göstərən iri şirkətləri Qəzzanın yenidən qurulmasına dəstək verməyə çağırıb.
ABŞ Ukraynaya 203 milyon dollarlıq hərbi texnika satışını təsdiqləyib
Pentaqonun Müdafiə Təhlükəsizliyi Əməkdaşlıq Agentliyinin məlumatına görə, satış paketinə M777 haubitsaları və müvafiq avadanlıqlar üçün ehtiyat hissələri, texniki xidmət və logistik dəstək daxildir. Bu bölmə ümumilikdə 104 milyon dollar təşkil edir. Bundan əlavə, nəqliyyat xidmətləri və müvafiq avadanlıqların potensial satışı təxminən 99,5 milyon dollar dəyərində qiymətləndirilir.
Mers Ukraynanın Aİ-yə üzv olmasına şübhə ilə yanaşır
Almaniya kansleri Fridrix Mers Ukraynanın yaxın vaxtlarda Avropa İttifaqına (Aİ) üzv olacağına dair ciddi şübhə etdiyini bildirib.
