Suriya ordusu Hələbdə PKK/YPG mövqelərini qanuni hədəf elan edib
Suriya ordusu ölkədə Suriya Demokratik Qüvvələri (SDQ) adı altında fəaliyyət göstərən PKK/YPG terror təşkilatına məxsus Hələb şəhərindəki Şeyx Maksud və Əşrəfiyyə məhəllələrində yerləşən bütün mövqelərin qanuni hədəf elan edildiyini açıqlayıb. Bu qərar PKK/YPG-nin Hələb şəhərinin müxtəlif məhəllələrinə və mülki əhaliyə qarşı çoxsaylı hücumlar həyata keçirməsi səbəbilə qəbul edilib. Əməliyyatlar Komandanlığı Şeyx Maksud və Əşrəfiyyə məhəllələrində yaşayan mülki şəxslərə PKK/YPG-yə aid mövqelərdən dərhal uzaq durmaq çağırışı edib. Mülki əhalinin təhlükəsizliyini təmin etmək məqsədilə bölgədə iki humanitar təhlükəsiz keçid dəhlizinin açıldığı bildirilib.
İsrail və Suriya arasında Paris görüşü tarixi nəticələr verdi - ABŞ
ABŞ-ın Ankaradakı səfiri və Suriyaya xüsusi nümayəndəsi Tom Barak İsrail və Suriya rəsmiləri arasında Fransanın paytaxtı Parisdə keçirilən görüşün nəticələrini “tarixi” adlandırıb. Barak Jerusalem Post qəzetinə verdiyi müsahibədə bildirib ki, görüş hər iki ölkənin əməkdaşlığa və ortaq rifaha doğru irəliləmək istədiyini göstərir. Onun sözlərinə görə, Suriya və İsrail yeni, şəffaf və tərəfdaşlığa əsaslanan münasibət qurmağa hazırdır və bu, Tel-Əvivlə Dəməşq arasında əməkdaşlığı artıracaq.
Suriya kənd təsərrüfatı simvolları ilə yeni pulunu təqdim edib
Suriya lideri Əhməd əl-Şaraa bazar ertəsi günü yeni banknotları təqdim edib. Onlar əvvəlki rəhbər Bəşər əl-Əsəd və onun ailəsini göstərən pulların yerini tutacaq və ümid edilir ki, bu addım Suriya funtunun on ildən artıq davam edən müharibə səbəbilə itirdiyi dəyəri bərpa etməsinə kömək edəcək. Yeni valyuta prosesində iki sıfır çıxarılacaq, bu isə redenominasiya kimi tanınır. Yeni banknotlar 10-dan 500 Suriya funtuna qədər olacaq və 1 yanvar tarixindən dövriyyəyə buraxılacaq. Onlarda Suriya üçün məşhur olan güllər, buğda, zeytun, portağal və digər kənd təsərrüfatı simvolları əks olunub.
Suriyada məscid partlayışı: ölən və yaralananlar var
Suriyanın mərkəzində yerləşən Homs vilayətində, Əli Talib məscidində cümə namazı zamanı baş verən partlayış nəticəsində ilkin məlumata görə 5 nəfər ölüb, 9 nəfər yaralanıb. Suriya Ərəb Xəbər Agentliyi (SANA) Homsdakı Əli Talib məscidində partlayış baş verdiyini bildirib. Yerli mənbələrin verdiyi məlumata əsasən, partlayış nəticəsində ilkin olaraq 5 nəfər həyatını itirib, 9 nəfər isə müxtəlif dərəcəli xəsarətlər alıb. Hadisə ilə bağlı istintaqa başlanılıb. Partlayışın terror aktı ola biləcəyi ehtimalı araşdırılır.
Türkiyə Suriyanın yenidən qurulmasında fəal rol oynayacaq - Ərdoğan
Türkiyə Prezidenti Rəcəb Tayyib Ərdoğan Suriya ilə bağlı açıqlamalar verib. Ərdoğan, AK Parti Kongre Merkezi-də keçirilən “İnsanlık İçin Güçlü Türkiye” proqramında çıxışı zamanı Suriya məsələsinə xüsusi yer ayırıb. O, Suriya inqilabının ildönümü münasibətilə ölkə və xalqın son 13 il ərzində davam edən zülm və zorakılığa qarşı dirənişini təqdir edib. Prezident, Esad rejimi və terror təşkilatlarının hücumlarında həyatını itirən suriyalıları rəhmətlə yad edib və Türkiyənin həm humanitar yardım, həm də terrorla mübarizə sahəsində üzərinə düşəni etdiyini vurğulayıb.
Türkiyə Suriya ərazi bütövlüyünü və sabitliyini dəstəkləyir - Ərdoğan
İllərlə davam edən zülmün, ağır itkilərin, böyük acıların ardından Suriyalı qardaşlarımızı azadlığa qovuşduran 8 Dekabr İnqilabının birinci ildönümünü ürəkdən təbrik edirəm. Bu barədə Türkiyə Prezidenti Rəcəb Tayyib Ərdoğan X sosial media hesabında paylaşım edib. Dövlət başçısı sosial media hesabında paylaşdığı açıqlamada, “İllərlə davam edən zülmün, ağır itkilərin, böyük acıların ardından Suriyalı qardaşlarımızı azadlığa qovuşduran 8 Dekabr İnqilabının birinci ildönümünü ürəkdən təbrik edirəm,” – deyib.
ABŞ Suriyada yeni hökuməti dəstəkləmək üçün sanksiyaları azalda bilər
ABŞ Konqresi, 2026-cı il Maliyyə ili üzrə Milli Müdafiə Səlahiyyətləri Qanunu (NDAA) çərçivəsində Suriyaya yönəlik Sezar Qanunu sanksiyalarını ləğv etmək üçün tənzimləmə üzərində çalışır. Qanun layihəsinə görə, sanksiyaların ləğvi müəyyən şərtlərə bağlı olacaq və ABŞ Prezidenti mövzu ilə bağlı hesabatları Konqresə təqdim etməlidir.
Suriya xalqının iradəsi dəyişimin mümkün olduğunu sübut etdi - Quterreş
Birləşmiş Millətlər Təşkilatının (BMT) Baş katibi Antonio Quterreş, Suriyada baş verən rejim dəyişikliyinin birinci ildönümündə yazılı açıqlama yayıb. Quterreş, Suriyanın devrilmiş lideri Bəşər Əsəd hakimiyyətinin çöküşü ilə "onilliklər boyu davam edən təzyiq rejiminin sona çatdığını" xatırladıb. “Bu gün Əsəd hökumətinin devrilməsindən və onilliklər boyu davam edən basqı sisteminin sona çatmasından bir il keçir. Təsəvvürəgəlməz çətinliklərə baxmayaraq ümidini heç vaxt itirməyən Suriya xalqının dözüm və cəsarətinə hörmət edirəm.” - deyə Quttereş qeyd edib.
12 Gündə Dağılmış Yarım Əsrlik Güc: Rejim Getdi, Suriya Yenidən Doğdu
27 noyabr 2024 səhərinin erkən saatlarından sonra Suriya artıq əvvəlki Suriya deyildi. “Hücumları Əngəlləmə Əməliyyatı” başladıqdan sonra on dörd il davam edən inqilab, müharibə və parçalanmadan sonra gözlənilən an gəldi. Yalnız on iki gün ərzində Bəşşar Əsəd rejimi görünməmiş sürətlə dağılaraq vilayətlər tədricən azad edildi və 8 dekabr səhəri döyüşçülər Dəməşqə daxil olaraq rejimin sona çatdığını elan etdilər. Eyni günün axşamı rejim lideri Moskvaya qaçarkən görüntüləndi.
Suriya Colanın tamamını geri almaq haqqını təsdiqlədi
Suriya Birləşmiş Millətlər Təşkilatındakı (BMT) Daimi Nümayəndəsi, səfir İbrahim Ulabi işğal altındakı Qolan Təpələrinin Suriya torpağı olduğunu və ölkəsinin buranın tamamını İsraildən geri almaq hüququna malik olduğunu açıqlayıb. Suriya dövlət televiziyası El-İhbariye-nin xəbərinə görə, Ulabi hər iki tərəfin təhlükəsizlik narahatlıqlarını aradan qaldırmaq məqsədilə Suriya və İsrail arasında aparılan danışıqların ABŞ Prezidenti Donald Trampın müşahidəsi altında keçdiyini bildirib.
Suriya Prezidenti ABŞ-ın xüsusi təmsilçisi ilə görüşüb
Suriya Prezidenti Əhməd əş-Şəraa, ABŞ-ın Ankaradakı səfiri və Suriya üzrə Xüsusi Təmsilçisi Tom Barak ilə rəsmi görüş keçirib. Görüşdə Suriya Xarici İşlər Naziri Əsad Həsən Şeybani də iştirak edib. Rəsmi məlumatlara görə, tərəflər bölgədəki son siyasi və təhlükəsizlik vəziyyətini müzakirə ediblər. Görüş zamanı Suriya və ABŞ arasında diplomatik əlaqələrin inkişaf etdirilməsi, qarşılıqlı anlaşmanın gücləndirilməsi və regionda sabitliyin təmin olunması məsələləri diqqət mərkəzində olub.
Suriya Aralıq dənizi əməkdaşlıq forumunda iştirakını bərpa edib
Suriya 14 illik fasilədən sonra İspaniyanın Barselona şəhərində keçirilən “Aralıq dənizi üçün Birlik” 10-cu Regional Forumunda yenidən iştirak edib. Suriya Xarici İşlər Nazirliyinin yaydığı yazılı açıqlamada bildirilib ki, ölkə uzun fasilədən sonra tam üzvlüyünün bərpası ilə forum çərçivəsində keçirilən nazirlər toplantısına qatılıb. Nazirlik bu iştirakın Suriyanın regional dialoqdakı rolunun bərpası, həmçinin bölgədə genişmiqyaslı əməkdaşlığın gücləndirilməsi baxımından mühüm addım olduğunu vurğulayaraq, bununla bağlı məmnunluğunu ifadə edib.
