ABŞ, Suriya Prezidenti Əhməd Şəraa sanksiya siyahısından çıxardı
ABŞ, Suriya Prezidenti Əhməd Əş-Şəraanı sanksiya siyahısından çıxardığını elan edib. ABŞ Dövlət Departamentinin sözçü müavini Tommi Piqott açıqlamasında Dövlət Katibi Marko Rubionun Suriya Prezidenti Əhməd Əş-Şəraanı siyahıdan çıxardığını bildirib. Piqott bu qərarın “Suriyanın yeni bir dövrə keçidini tanıyan güclü siyasi mesaj” daşıdığını vurğulayıb. ABŞ Maliyyə Nazirliyinin də Suriya Daxili İşlər Naziri Ənəs Hattabı sanksiya siyahısından çıxardığı bildirilib.
Makron Suriyanı İŞİD- ə Qarşı Beynəlxalq Koalisiyaya Qoşulmağa Çağırdı
Fransa Prezidenti Emmanuel Makron suriyalı həmkarı Əhməd əş-Şəraanı “İŞİD” terror təşkilatına qarşı beynəlxalq koalisiyaya qoşulmağa dəvət edib. O, həmçinin BMT Təhlükəsizlik Şurasının prezident əş-Şəraa və daxili işlər naziri Ənəs Xitabın adlarını sanksiya siyahısından çıxarmaq qərarını alqışlayıb. Makron bu açıqlamanı Braziliyanın Belin şəhərində keçirilən iqlim konfransının kənarında suriyalı həmkarı ilə görüşdən sonra jurnalistlərə verib. Onun sözlərinə görə, Suriya “regionda terrorçu qruplara qarşı mübarizədə tam və effektiv tərəfdaş olmağa” dəvətlidir.
Türkiyə, Suriya rəsmilərinə tətbiq olunan sanksiyaların ləğvini alqışlayıb
Türkiyə, Suriya Prezidenti Əhməd əş-Şəraaya və Daxili İşlər Naziri Enes Hattabı BMT Təhlükəsizlik Şurasının müvafiq sanksiya siyahısından çıxaran 2799 (2025) saylı qərarı məmnuniyyətlə qarşıladığını açıqlayıb. Türkiyə Xarici İşlər Nazirliyinin sözçüsü Öncü Keçəli yazılı açıqlamasında bildirib ki, bu qərar Suriya hakimiyyəti və xalqı üzərində qalmış mənfi təsirlərin aradan qaldırılmasına, sanksiyaların tam ləğvinə, Suriyanın beynəlxalq cəmiyyətə inteqrasiyasına, həmçinin ölkədə davamlı sabitlik və inkişafın təmin olunmasına imkan yaradır. Türkiyə bu və bənzər addımları dəstəkləməyə davam edəcək.
Əsəd dövründə ordudan ayrılan zabitlər geri qayıda biləcək - Suriya Müdafiə Nazirliyi
Suriya Müdafiə Nazirliyi bildirib ki, vətəndaş müharibəsi zamanı Bəşşar Əsəd rejiminin dinc sakinlərə qarşı zorakılıqlarına etiraz edərək ordudan ayrılan zabitlər və hərbçilər istəsələr, vəzifələrinə bərpa olunacaqlar. Nazirlik yaxın günlərdə fərarilik edən gizirlər və digər hərbi qulluqçuların müraciətlərini qəbul etməyə başlayacaq.
Suriyaya geri dönən Suriyalıların sayı 550 mini keçib
Türkiyə Daxili İşlər Naziri Ali Yerlikaya bildirib ki, Suriyada Əsəd rejiminin 8 dekabr 2024-cü ildə devrilməsindən sonra Türkiyədən öz ölkəsinə qayıdan Suriyalıların sayı 550 mini ötüb. Nazir qeyd edib ki, bu rəqəm yalnız son bir il ərzində həyata keçirilən geri dönüşləri əhatə edir. Ali Yerlikaya əlavə edib ki, 2016-cı ildən bəri könüllü, təhlükəsiz və nizamlı şəkildə Suriyaya qayıdan Suriyalıların ümumi sayı 1 milyon 290 min nəfərə çatıb. O, Türkiyənin köç və sığınacaq siyasətinin humanitar prinsiplərə əsaslandığını və məcbur durumda olanlara dəstək verdiyini vurğulayıb.
Suriya hökuməti milli valyutanı modernləşdirəcək
Suriya Mərkəzi Bankının sədri Əbdülqədir Husariyyə milli valyutanı modernləşdirmək məqsədilə üzərində şəkil və simvol olmayan 6 yeni əskinas seriyasının dövriyyəyə buraxılacağını açıqlayıb. Suriya Mərkəzi Bankının sədri Husariyyə, ölkənin rəsmi xəbər agentliyi SANA-ya verdiyi açıqlamada bildirib ki, yeni əskinaslar kiçik, orta və böyük olmaqla müxtəlif ölçülərdə hazırlanacaq.
Suriyada 1500-dən çox namizəd xalq məclisi uğrunda yarışacaq
Suriya Xalq Məclisinin Ali Seçki Komitəsi, ölkə üzrə müəyyən olunmuş vilayətlərdə Xalq Məclisi üzvlüyünə namizədlərin siyahısını yayımlayaraq seçki kampaniyasının başladığını elan edib. Xalq Məclisinin Ali Seçki Komitəsinin sədri Məhəmməd Taha əl-Əhməd, Suriyanın rəsmi xəbər agentliyi SANAya verdiyi açıqlamada bildirib ki, ölkə üzrə 50 seçki dairəsində Xalq Məclisinə üzvlük üçün namizədlik müraciəti prosesi dünən etibarilə başa çatıb.
Suriyada Bəşşar Əsəd barəsində həbs qərarı çıxarılıb
Suriyada 2011-ci ildən bəri qətliamlara rəhbərlik edən devrilmiş rejim lideri Bəşşar Əsəd barəsində qiyabi həbs qərarı verilib. Dəməşq şəhərinin Yeddinci İstintaq Hakimi Təvfiq əl-Ali açıqlamasında bildirib ki, 2011-ci ildə Derada baş verən hadisələrlə bağlı irəli sürülən ittihamlar əsasında Əsədin həbsi barədə qərar qəbul edilib.
Suriya ilə terrorla mübarizədə yaxın əməkdaşlıq davam edəcək - Türkiyə MN
Türkiyə, Suriyanın sabitliyi və təhlükəsizliyi, eləcə də bölgənin əmin-amanlığı üçün, başda terror təşkilatları ilə mübarizə olmaqla, Suriya hökuməti ilə sıx əməkdaşlığı davam etdirməkdə və ‘Tək Dövlət, Tək Ordu’ prinsipini dəstəkləməkdə qərarlıdır. Türkiyə Milli Müdafiə Nazirliyinin Mətbuat və İctimaiyyətlə Əlaqələr müşaviri və sözçüsü Tuğamiral Zəki Aktürk, nazirlikdə keçirilən həftəlik mətbuat konfransında bu açıqlamanı səsləndirib.
Ərdoğan BMT Baş Assambleyası çərçivəsində Suriya Prezidenti Şəraa ilə görüşdü
Türkiyə Prezidenti Rəcəb Tayyib Ərdoğan Birləşmiş Millətlər Təşkilatının (BMT) 80-ci Baş Assambleyası çərçivəsində səfərdə olduğu ABŞ-ın Nyu-York şəhərində diplomatik fəaliyyətlərini davam etdirir. Ərdoğan, Nyu-Yorkdakı Türk Evinə yerləşən diplomatik nümayəndəlikdə Suriya Prezidenti Əhməd əş-Şəraa ilə görüş keçirib. Görüş zamanı Türkiyə ilə Suriya arasında ikitərəfli münasibətlər və regional məsələlər müzakirə olunub.
Suriyanın gələcəyi suriyalıların ortaq iradəsi ilə qurulmalıdır - Ərdoğan
Türkiyə Prezidenti Rəcəb Tayyib Ərdoğanın “Ədalət və rifah üçün Türkiyənin diplomatik vizyonu” başlıqlı məqaləsi ABŞ-ın nüfuzlu nəşrlərindən olan Newsweek jurnalında ingilis dilində dərc olunub. Məqalədə Ərdoğan regional sabitliyin təmin olunmasında Suriyanın roluna xüsusi diqqət yetirib. O bildirib ki, 2011-ci ildən bu yana Suriyada davam edən münaqişələr yüz minlərlə insanın həyatına son qoyub, milyonlarla insanı didərgin salıb və ölkədə ciddi dağıntılara səbəb olub. Ərdoğanın sözlərinə görə, bu gün bütün Yaxın Şərqdə sabitliyin bərqərar olunması üçün Suriyanın yenidən qurulması və bərpası qaçınılmazdır.
Suriyada Xalq Məclisi seçkiləri 5 oktyabrda keçiriləcək
Suriyada Xalq Məclisi üzrə Yüksək Seçki Komissiyası Xalq Məclisinə üzvlük seçkilərinin 5 oktyabr bazar günü keçiriləcəyini elan edib. Komissiyanın ABŞ mərkəzli Meta şirkətinə məxsus Facebook platformasındakı hesabında yayımlanan açıqlamada, seçki tarixinin hicri təqvimə görə 1447-ci ilin Rəbiül-axır ayının 13-nə, miladi təqvimə görə isə 2025-ci il 5 oktyabr tarixinə təsadüf edəcəyi bildirilib.
