Əməliyyatlar silahsızlaşdırma və uzunmüddətli razılaşma əldə olunana qədər davam edəcək – İsrail
İsrailin "Walla" xəbər portalı ölkə ordusundakı yüksək rütbəli mənbəyə istinadən xəbər verir ki, Livanın cənubunda həyata keçirilən hərbi əməliyyatlar dayandırılmayacaq. Mənbənin bildirdiyinə görə, İsrail ordusunun əməliyyatları qarşıya qoyulmuş strateji hədəflərə çatana qədər davam etdiriləcək. Bu hədəflər aşağıdakı iki əsas bənddən ibarətdir:
Livanda BMT sülhməramlılarına hücum nəticəsində fransız hərbçi həlak olub
Livanın cənubunda BMT-nin Livandakı Müvəqqəti Qüvvələrinin (UNIFIL) tərkibində xidmət edən 1 fransız sülhməramlısı həlak olub, daha 3 əsgər isə yaralanıb. Bu barədə Fransa Prezidenti Emmanuel Makron özünün "X" sosial media hesabı vasitəsilə məlumat verib. Makron bildirib ki, Montobandakı 17-ci Paraşütçü Mühəndis Alayının baş çavuşu Florian Montorio bu səhər baş verən hücum zamanı həyatını itirib.
Tramp İsrailin Livanı bombalamasını qadağan etdiyini açıqlayıb
İsrail artıq Livanı bombalamayacaq. ABŞ tərəfindən bunu etmələri qadağan edildi. Bu sözləri Amerika Birləşmiş Ştatlarının Prezidenti Donald Tramp bildirib. O, məsələ ilə bağlı mövqeyini "Artıq kifayətdir" ifadəsi ilə qəti şəkildə ortaya qoyub. ABŞ lideri bu diqqətçəkən bəyanatla özünə məxsus "Truth Social" sosial media platformasındakı paylaşımında çıxış edib.
Livan Prezidenti Netanyahu ilə görüşməkdən imtina edib
Livan Prezidenti Jozef Avnın İsrailin Livana qarşı hücumlarını davam etdirməsi səbəbindən İsrailin Baş naziri Benyamin Netanyahu ilə görüşməkdən imtina etdiyi bildirilib. Livanlı bir mənbənin İsrailin "Haaretz" qəzetinə verdiyi məlumata görə, Avn hücumlar fonunda və görüşün məqsədi qeyri-müəyyən qaldığı bir vaxtda belə bir təmasın Livan daxilində ciddi etirazla qarşılanacağının fərqindədir.
Livanda humanitar vəziyyət ağırlaşır və yaralıların sayı artmağa davam edir
İsrail ordusunun Livanda avtomobil və motosikletləri hədəf alan hücumları nəticəsində 3 nəfər həyatını itirib. Livanın rəsmi NNA agentliyinin məlumatına görə, İsrail ordusu səhər saatlarından etibarən ölkənin cənubundakı onlarla qəsəbə və kəndi intensiv atəşə tutub. Hücumlar zamanı ölkənin şərqindəki Dahr Baydar yolu üzərində bir avtomobilin pilotsuz uçuş aparatı (PUA) ilə vurulması nəticəsində 1 nəfər ölüb. Qasimiye və Habbuş-Nebatiye yollarında hərəkətdə olan motosikletlərin hədəf alınması nəticəsində daha 2 nəfər dünyasını dəyişib.
İsrail ordusu Livanın cənubunda yeni və qalıcı hərbi məntəqələr qurmağa başlayıb
İsrailin "Haaretz" qəzetinin yaydığı məlumata görə İsrail ordusu son dövrlərdə Livanın cənubunda və sərhəd xətti boyunca əlavə hərbi məntəqələr yaradıb. Ötən ay quru işğalına yenidən başlayan İsrail ordusu 2024-cü ildəki atəşkəsdən sonra Livan ərazisində qalan 5 strateji nöqtəni nəzarətdə saxlamağa davam edir. Şahidlərin ifadələrinə istinadən hazırlanan xəbərdə İsrailin Livan torpaqlarında qurduğu hərbi postların sayının iki qat artacağı gözlənilir.
Düşmənlə birbaşa danışıqlar Livan hakimiyyətinin süqutudur - Hizbullah fraksiyasının rəhbəri
Livan parlamentində "Hizbullah" fraksiyasının sədri Məhəmməd Raad, Livan hakimiyyətinin İsrail apardığı birbaşa danışıqları kəskin şəkildə pisləyib. O, bu addımı ölkə rəhbərliyi üçün "bağışlanılmaz bir səhv və mənəvi tənəzzül" kimi qiymətləndirib. Məhəmməd Raad bəyan edib ki, birbaşa danışıqlar formatı "rədd edilən və lənətlənən" bir yanaşmadır.
Livan Səhiyyə Nazirliyi son sutkada daha 43 nəfərin həlak olduğunu açıqlayıb
İsrail ordusunun martın 2-dən bu yana Livana qarşı davam etdirdiyi hücumlarda həyatını itirənlərin sayı son 24 saat ərzində 43 nəfər artaraq 2 min 167-yə yüksəlib. Livan Səhiyyə Nazirliyinin rəsmi məlumatına əsasən, hücumlar nəticəsində yaralananların ümumi sayı isə 7 min 61 nəfərə çatıb. Həlak olanlar arasında 172 uşaq və 260 qadın var.
İsrailin Livana hücumları nəticəsində həlak olanların sayı iki mini keçib
İsrail ordusunun martın 2-dən bəri Livana qarşı həyata keçirdiyi hücumlarda həyatını itirənlərin sayı son 24 saat ərzində 35 nəfər artaraq 2 min 124-ə çatıb. Livan Səhiyyə Nazirliyinin verdiyi məlumata görə, hücumlar nəticəsində yaralananların ümumi sayı isə 6 min 921 nəfərə yüksəlib. Həlak olanlar arasında 168 uşaq və 254 qadın var.
Vaşinqtonda İsrail və Livan nümayəndə heyətləri arasında birbaşa danışıqlar başlayıb
İsrail və Livan nümayəndələrini bir araya gətirən birbaşa danışıqlar ABŞ-ın Dövlət katibi Marko Rubionun ev sahibliyi ilə Vaşinqtonda başlayıb. ABŞ Dövlət Departamentinin binasında keçirilən görüşlərdə hər iki ölkənin rəsmi şəxsləri ilə yanaşı ABŞ-ın yüksək rütbəli diplomatları da iştirak edir. Müzakirələrə ABŞ-ın BMT-dəki daimi nümayəndəsi Mayk Valts və hər iki ölkənin Vaşinqtondakı səfirləri qatılıblar.
Livan Prezidenti İsrail hücumlarının ölkədə humanitar fəlakət yaratdığını bəyan edib
Livan Prezidenti Joseph Avn İsrail hücumlarının ölkə daxilində böyük bir humanitar fəlakətə səbəb olduğunu bildirib. BMT-nin Qaçqınlar üzrə Ali Komissarı Bərham Salehi qəbul edən prezident bir milyondan çox livanlının didərgin düşdüyünü və ölkənin təcili yardıma ehtiyac duyduğunu vurğulayıb. Avn qeyd edib ki, hücumların yaratdığı fəsadlar atəşkəs əldə edilsə belə uzun müddət davam edəcək. BMT rəsmisi isə öz növbəsində Livan xalqına dəstək mesajı verərək beynəlxalq ictimaiyyəti artan ehtiyacları qarşılamaq üçün səfərbər olmağa çağırıb.
İsrail Livan hücumları ilə bağlı şərhlərinə görə İtaliya səfirini çağırdı
İsrail hökuməti bazar ertəsi günü İtaliyanın ölkədəki səfirini Xarici İşlər Nazirliyinə çağıraraq rəsmi etirazını bildirib. Diplomatik gərginliyə səbəb İtaliyanın Xarici İşlər naziri Antonio Tayaninin Beyruta səfəri zamanı İsrailin hərbi fəaliyyətlərini sərt dildə tənqid etməsidir. Nazir Tayani Livan rəsmiləri ilə görüşü zamanı İsrailin mülki əhaliyə yönəlmiş hücumlarını "qəbulolunmaz" adlandırıb və İtaliyanın Livan xalqı ilə həmrəy olduğunu vurğulayıb. O, sosial şəbəkə hesabında paylaşım edərək Qəzzada baş verən humanitar fəlakətin Livanda təkrarlanmaması üçün tərəfləri dialoqa və dərhal atəşkəsə çağırıb.
