İsrailin Somalilandı tanımasından sonra Türkiyə regional diplomatik təmaslara başlayıb
İsrailin Somali Federativ Respublikasından birtərəfli qaydada ayrıldığını elan etmiş Somaliland regionunu müstəqil dövlət kimi tanımasından sonra Türkiyə regional və beynəlxalq diplomatik təşəbbüslərini aktivləşdirib.
Ərdoğan Livan Prezidenti ilə regional sabitlik və əməkdaşlığı müzakirə edib
Türkiyə Prezidenti Rəcəb Tayyib Ərdoğan Livan Prezidenti Cozef Aun ilə telefon danışığı aparıb. Görüş zamanı Türkiyə–Livan ikitərəfli münasibətləri və regional məsələlər müzakirə olunub. Danışıqda Prezident Ərdoğan Türkiyənin daim Livanın sabitliyini və suverenliyini dəstəklədiyini vurğulayıb. O bildirib ki, iki ölkə ticarət və investisiya sahələrində böyük potensiala malikdir. Prezident qeyd edib ki, Türkiyə Livanın təhlükəsizliyinin dəstəklənməsinə yönəlmiş beynəlxalq mexanizmlərdə iştirak etməyə hər zaman hazırdır.
Qazaxıstan və İran hökumətləri arasında 8 əməkdaşlıq sazişi imzalanıb
Qazaxıstan ilə İran hökumətləri arasında xarici işlər nazirliklərinin əməkdaşlıq proqramı ilə yanaşı, qarşılıqlı hüquqi yardım, nəqliyyat və logistika, yük daşımaları, ədliyyə, səhiyyə, mədəniyyət və media kimi sahələri əhatə edən 8 əməkdaşlıq sazişi imzalanıb. İran Prezidenti Mesud Pezeşkian rəsmi səfər çərçivəsində Qazaxıstana gedib. Pezeşkian üçün paytaxt Astananın Akorda Prezident Sarayında rəsmi qarşılama mərasimi təşkil olunub.
Qonşu ölkələrlə iqtisadi və ticarət əlaqələri genişləndiriləcək - İran XİN
İranın Xarici İşlər Naziri Abbas Əraqçi Nazirliyin qonşu ölkələrlə xüsusilə xarici iqtisadi və ticarət əlaqələrini genişləndirməyə sadiqliyini vurğulayıb.Əraqçi bu açıqlamaları Çərşənbə günü bir qrup qanunverici ilə görüş zamanı verib. Nazir, Nazirliyin regional və beynəlxalq inkişaflara dair perspektivlərini izah edərək, milli maraqların qorunmasına yönəlmiş tədbirlər və təşəbbüslər barədə məlumat verib. Xarici İşlər Nazirliyi ilə Parlament arasında qarşılıqlı əlaqə və koordinasiyanın gücləndirilməsinin vacibliyini qeyd edən Əraqçi, diplomatik aparatın vəzifələrinin effektiv şəkildə yerinə yetirilməsi üçün bu əməkdaşlığın önəmini vurğulayıb.
Suriya Prezidenti ABŞ-ın xüsusi təmsilçisi ilə görüşüb
Suriya Prezidenti Əhməd əş-Şəraa, ABŞ-ın Ankaradakı səfiri və Suriya üzrə Xüsusi Təmsilçisi Tom Barak ilə rəsmi görüş keçirib. Görüşdə Suriya Xarici İşlər Naziri Əsad Həsən Şeybani də iştirak edib. Rəsmi məlumatlara görə, tərəflər bölgədəki son siyasi və təhlükəsizlik vəziyyətini müzakirə ediblər. Görüş zamanı Suriya və ABŞ arasında diplomatik əlaqələrin inkişaf etdirilməsi, qarşılıqlı anlaşmanın gücləndirilməsi və regionda sabitliyin təmin olunması məsələləri diqqət mərkəzində olub.
Abbas Əraqçi ikitərəfli və regional məsələləri müzakirə üçün bu həftə Fransaya səfər edəcək
İranın xarici işlər naziri Abbas Əraqçi bu həftə Fransa ilə ikitərəfli məsələlər, həmçinin regional və beynəlxalq inkişaflarla bağlı danışıqlar aparmaq məqsədilə Parisə səfər edəcək. İran Xarici İşlər Nazirliyinin sözçüsü İsmail Baqai bazar ertəsi axşam açıqlayıb ki, Əraqçi bu həftə Fransaya səfər edəcək. Haaqada Kimyəvi Silahların Qadağan edilməsi Təşkilatının (OPCW) illik toplantısında iştirak etdikdən sonra, xarici işlər naziri fransalı həmkarının dəvəti ilə Parisə yola düşəcək.
Çin Dəməşqdəki səfirliyini 2026-cı ilin əvvəlində yenidən açacaq
Çin 2026-cı ilin əvvəlində Suriyanın paytaxtı Dəməşqdəki səfirliyini yenidən açacaq və Suriya xalqına yardım göstərəcək. Bu barədə Suriya Xarici İşlər Nazirliyinin Rusiya və Şərqi Avropa üzrə şöbə müavini məlumat verib. Salibi bildirib ki, səfər Suriyanın xarici siyasətində yeni dövrün başlanğıcını simvollaşdırır və ticarətin canlanması, diplomatik nümayəndəliklərin yenidən fəaliyyətə başlaması baxımından ümidvericidir.
Laricanı bu gün Pakistana səfər edəcək
İranın Ali Milli Təhlükəsizlik Şurasının katibi Əli Laricanı bazar ertəsi, 24 noyabr tarixində “dost və qardaş” Pakistan ölkəsinə rəsmi səfər edəcək. Bu barədə o, X sosial şəbəkəsində paylaşım edib. Laricanı bildirib ki, İran xalqı heç vaxt Pakistan xalqının İrana dəstəyini unutmur. O, xüsusilə İsrail rejimi və ABŞ-ın iyun ayında İrana qarşı tətbiq etdiyi 12 günlük işğalçı müharibə zamanı Pakistanın göstərdiyi dəstəyi xatırladıb.
Ərdoğan Küveytdə rəsmi mərasimlə qarşılanıb
Türkiyə Prezidenti Rəcəb Tayyib Ərdoğan Körfəz turunun ilk dayanacağı olan Küveytə səfər edib və rəsmi mərasimlə qarşılanıb. Prezidentlə birlikdə Birinci xanım Əminə Ərdoğan, xarici işlər naziri Hakan Fidan, enerji və təbii sərvətlər naziri Alparslan Bayraktar, xəzinə və maliyyə naziri Mehmet Şimşek, milli müdafiə naziri Yaşar Güler, sənaye və texnologiya naziri Mehmet Fatih Kacır, ticarət naziri Ömər Bolat, eləcə də AK Partiya rəhbərliyindən bir sıra yüksək vəzifəli şəxslər - Ömər Çelik, Halit Yerebakan, Özlem Zengin, MİT rəhbəri İbrahim Kalın, Prezident Administrasiyasının Kommunikasiya rəhbəri Burhanettin Duran, Müdafiə Sənayesi Komitəsinin sədri Haluk Görgün və xarici siyasət və təhlükəsizlik üzrə baş müşavir Akif Çağatay Kılıç da Küveytə səfərdə iştirak ediblər.
Səudiyyə Ərəbistanı və Pakistan – Müdafiə ittifaqı və ortaq güc
Səudiyyə Ərəbistanının vəliəhdi və baş naziri şahzadə Məhəmməd bin Salman ilə Pakistanın baş naziri Məhəmməd Şahbaz Şərif dünən Ər-Riyadda birgə strateji müdafiə sazişi imzalayıblar. Sazişə əsasən, hər iki ölkədən birinə edilən hər hansı hücum, hər ikisinə edilmiş hücum sayılacaq. Bu addım hər iki ölkənin təhlükəsizliyini gücləndirmək və bölgədə, həmçinin dünyada sülh və sabitliyi təmin etmək məqsədi daşıyır.
Suriya və İsrail sülhə hazırdılarmı?
İsrailin bəzi media orqanlarının verdiyi məlumata görə, "məlumatlı suriyalı mənbə"yə istinadən, Suriya və İsrailin 2025-ci ilin sonuna qədər sülh sazişi imzalayacağı gözlənilir. Bu açıqlamalar, Suriya prezidenti Əhməd əş-Şəraanın bir neçə gün əvvəl verdiyi bəyanatın ardınca gəlib. Prezident həmin çıxışında Dəməşqin beynəlxalq vasitəçilər və diplomatik kanallar vasitəsilə İsrailin cənub bölgələrdəki hücumlarını və müdaxilələrini dayandırmaq üçün çalışdığını, və "Suriya suverenliyinin qorunmasının hər şeydən üstün olduğunu" vurğulamışdı.
