Çin şirkətləri humanoid robotlar üçün güclərini birləşdirir
Çinin DeepSeek şirkəti Unitree-nin Şanxay IPO-su çərçivəsində 20,8 milyon dollar investisiya edib və humanoid robotlar üçün süni intellekt modellərinin birgə hazırlanması barədə razılığa gəlib. DeepSeek Unitree-də 2,31 faizlik strateji pay əldə edib. Tərəflər AI modelləri, robot texnologiyaları və real dünya məlumatlarının emalı sahəsində əməkdaşlıq edəcəklər. Layihənin məqsədi humanoid robotların ətraf mühiti daha yaxşı anlamasını və mürəkkəb tapşırıqları müstəqil yerinə yetirməsini təmin edən texnologiyaların hazırlanmasıdır.
Çin ABŞ-yə qarşı yeni sanksiyalar tətbiq edib
Çin ABŞ administrasiyasının son addımlarına cavab olaraq Vaşinqtona qarşı yeni məhdudiyyətlər tətbiq etdiyini açıqlayıb.Bəyanatda qeyd olunub ki, bu qərar ABŞ-nin Çin istehsalı olan dronların idxalını qadağan etməsi və 43 Çin şirkətinə sanksiya tətbiq etməsinə cavab xarakteri daşıyır.
Çin müstəqil Fələstin dövlətinə dəstəyini bir daha təsdiqləyib
Çinin Fələstindəki nümayəndəliyinin rəhbəri Sun Jen Pekinin müstəqil Fələstin dövlətinə dəstəyini bir daha bəyan edib. O bildirib ki, Çin humanitar və inkişaf yardımlarını davam etdirməyə hazırdır. Diplomat Ramallahda keçirdiyi mətbuat konfransında Fələstin xalqının üzləşdiyi çətinliklərə diqqət çəkib. Sun Jen Çin–Fələstin münasibətlərinin daha da inkişaf etdiriləcəyini vurğulayıb. O xatırladıb ki, bu il iki tərəf arasında strateji tərəfdaşlığın yaradılmasının üçüncü ildönümüdür. Çin Fələstinlə əməkdaşlığın genişləndirilməsində maraqlı olduğunu bildirib.
Xarici tələbat BYD-nin satışlarını yüksəldib
Çinin BYD şirkəti iyul ayında qlobal satışlarını ardıcıl üçüncü ay artırıb. Şirkət ümumilikdə 419 min 211 avtomobil sataraq illik müqayisədə 21,8 faiz artım qeydə alıb. Xarici bazarlara ixrac isə daha yüksək templə yüksəlib. BYD-nin xaricə göndərdiyi minik avtomobilləri və pikapların sayı 124,3 faiz artaraq 179 min 841 ədədə çatıb. Şirkət beynəlxalq bazarlardakı yüksək tələbat hesabına daxili bazardakı zəifliyi qismən kompensasiya edib. BYD qlobal elektrikli avtomobil bazarında mövqeyini gücləndirməyə davam edir.
ABŞ İranın "Mahan Air" aviaşirkətini dəstəkləyən şəbəkələrə qarşı yeni sanksiyalar tətbiq edib
ABŞ İranın "Mahan Air" aviaşirkətini dəstəkləyən beynəlxalq şəbəkələrə qarşı yeni sanksiyalar tətbiq edib. Sanksiyalar Çin, Hindistan, Rusiya və İrandan altı hüquqi və fiziki şəxsi əhatə edir. Vaşinqton "Mahan Air"in SEPAH-ın şəxsi heyətini, silah və pilotsuz aparatları daşıdığını bildirir. ABŞ həmçinin SEPAH-la əlaqəli olduğu iddia edilən bir şirkəti də sanksiya siyahısına əlavə edib. Yeni qərar Damietta limanında baş verən pilotsuz aparat hücumundan sonra açıqlanıb. ABŞ bu addımın İranın regional fəaliyyətlərini dəstəkləyən şəbəkələri zəiflətməyə xidmət etdiyini bildirib. Sanksiyalar İranın logistika və maliyyə imkanlarını məhdudlaşdırmağı hədəfləyir.
Çin İrana silah göndərilməsi ilə bağlı iddiaları rədd edib
Çin İrana hava hücumundan müdafiə sistemlərinin göndərilməsi ilə bağlı yayılan məlumatları təkzib edib. Pekin bu iddiaların həqiqəti əks etdirmədiyini bildirib. Çin Xarici İşlər Nazirliyi ölkənin bölgədə sülhün və sabitliyin tərəfdarı olduğunu vurğulayıb. Məlumata görə, iddia edilən silahların Pakistan üzərindən İrana çatdırılması nəzərdə tutulurdu. Pakistan da bu xəbərləri əsassız adlandıraraq rədd edib. Hər iki ölkə yayılan məlumatların həqiqətə uyğun olmadığını bəyan edib. Məsələ ilə bağlı əlavə rəsmi açıqlama verilməyib.
Çin İrana raket sistemləri göndərməsi ilə bağlı iddiaları təkzib edib
Çin hökuməti İrana yaxın həftələrdə Çin istehsalı olan təxminən 400 ədəd çiyindən buraxılan hava hücumundan müdafiə raket sistemi göndərəcəyi ilə bağlı yayılan iddiaları təkzib edib. Xarici mətbuatda Çin istehsalı olan təxminən 400 ədəd çiyindən buraxılan hava hücumundan müdafiə raket sisteminin Pakistan üzərindən İrana çatdırılacağı və ilk partiyanın yaxın həftələrdə təhvil veriləcəyinə dair məlumatlar yayılmışdı
İran Çindən 400-ə qədər hava hücumundan müdafiə sistemi alacaq
İran yaxın həftələrdə Çindən ilk partiya daşınan hava hücumundan müdafiə sistemlərini qəbul etməyə hazırlaşır. Təxminən 60-70 milyon ABŞ dolları dəyərində qiymətləndirilən müqavilə İranın qısa mənzilli hava hücumundan müdafiə imkanlarını gücləndirmək istiqamətində son dövrlərdə atdığı ən iri addımlardan biri hesab olunur.
Çin Qırmızı dənizdə gəmilərinin təhlükəsiz keçidi üçün husilərlə birbaşa danışıqlar aparır
Çin Qırmızı dənizdə gəmilərinin təhlükəsiz keçidi üçün husilərlə birbaşa danışıqlar aparıb. Pekin tankerlərinə hücum edilməyəcəyinə dair təminat almağa çalışıb. Çin bu məsələ ilə bağlı husilərlə əlaqə quran ilk ölkələrdən biri olub. Bildirilir ki, hər bir Çin gəmisinin keçidi ayrıca razılaşdırılıb. Husilər Səudiyyə limanlarında yük əməliyyatları aparan gəmiləri hədəfə ala biləcəklərini bəyan ediblər. Təhlükəsizlik narahatlığı səbəbindən bəzi tankerlər marşrutlarını dəyişiblər. Çin, İran və husilər məsələ ilə bağlı hələlik rəsmi açıqlama verməyiblər.
Tehranın ABŞ-a etimadı yoxdur - İranın Çindəki səfiri
İranın Çindəki səfiri ABŞ-yə etimadın olmadığını bəyan edib. Əbdülrza Rəhmani Fəzli Tehranın yalnız hücumlara cavab verdiyini bildirib. O, İranın danışıqlara hazır olduğunu bir daha vurğulayıb. Səfir ABŞ-ı İslamabad Anlaşma Memorandumu üzrə öhdəliklərini yerinə yetirməməkdə ittiham edib. Onun sözlərinə görə, bu səbəbdən Tehran Vaşinqtona etibar etmir. Rəhmani Fəzli Çinin sülh danışıqlarında daha fəal rol oynaya biləcəyini də qeyd edib. ABŞ tərəfi hələlik açıqlamaya cavab verməyib.
"DeepSeek" investisiya raundunu müvəqqəti dayandırıb
DeepSeek ikinci investisiya raundunu müvəqqəti dayandırıb. Şirkət bəzi potensial investorlara yaxın günlərdə müqavilə imzalanmayacağını bildirib. Bloomberg News prosesin sonradan yenidən başlaya biləcəyini yazır. Şirkətin yeni maliyyələşdirmə raundunun təxminən 500 milyard yuan qiymətləndirmə ilə keçirilməsi planlaşdırılırdı. Məlumata görə, fasilənin səbəblərindən biri təsisçi Lyan Venfenin investorlarla bağlı yayılan məlumatlardan narazılığı olub. DeepSeek eyni zamanda mümkün IPO planını da nəzərdən keçirir.
Çin və Pakistan ABŞ–İran memorandumu ilə bağlı əməkdaşlığı müzakirə etdi
Çinin xarici işlər naziri Vanq İ Şanxay Əməkdaşlıq Təşkilatının (ŞƏT) Xarici İşlər Nazirləri Şurasının iclası çərçivəsində Pakistanın Baş nazirinin müavini və xarici işlər naziri Məhəmməd İshaq Dar ilə görüş keçirib.
