Bakı. AzerPress:
Qırğızıstan Respublikasının dizaynı dəyişdirilən yeni bayrağı paytaxt Bişkekdə xüsusi mərasimlə ucaldılıb.
AzerPress xəbər verir ki, mərasimdə Qırğızıstan parlamentinin sədri Nurlanbek Şakiyev və Nazirlər Şurasının sədri Akılbek Japarov da iştirak edib.
Məlumata əsasən, hərbi orkestr Qırğızıstanın Dövlət Himnini səsləndirərkən əsgərlər nəhəng bayrağı ucaldıb.
Xatırladaq ki, Qırğızıstan parlamentinin spikeri Şakiyev və deputat Ulan Primov tərəfindən hazırlanan “Qırğızıstan Respublikasının dövlət rəmzləri haqqında qanuna dəyişiklik edilməsi haqqında” təklifi 22 dekabr 2023-cü il tarixində prezident Sadır Japarov təsdiqləyib. Buna uyğun olaraq ölkə bayrağındakı dalğavari günəş şüaları düz şüalarla əvəz edilib və ortadakı motivdəki xətlərin sayı artırılıb.
