Bakı. AzerPress:
Türkiyənin 28 vilayətində həyata keçirilən antiterror əməliyyatlarında xeyli sayda şübhəli saxlanılıb.
AzerPress xəbər verir ki, bu barədə Türkiyənin daxili işlər naziri Əli Yerlikaya "X" sosial şəbəkəsində məlumat verib.
Məlumata görə, "KAHRAMANLAR-43" əməliyyatlarında 165 şübhəli saxlanılıb.
Nazirin sözlərinə görə, saxlanılan şəxslər terror təşkilatının tərkibində fəaliyyət göstərməkdə, terror təşkilatına yardım etməkdə, sosial şəbəkələrdə terror təşkilatını təbliğ etməkdə ittiham olunurlar. Həmçinin, əməliyyatlar çərçivəsində aparılan axtarışlar zamanı xeyli sayda rəqəmsal materiallar və terror təşkilatı ilə bağlı sənədlər ələ keçirilib.
