Bakı. AzerVoice:
Qırğızıstan və Qazaxıstan Ak-Tilek və Kara-Suu keçid məntəqələri yaxınlığında ümumi dövlət sərhədində ticarət və logistika kompleksinin tikintisini sürətləndirmək barədə razılığa gəlib.
AzerVoice xəbər verir ki, bu barədə razılaşma Bişkekdə Qazaxıstanın xarici işlər naziri Murat Nurtleu və Qırğızıstanın xarici işlər naziri Jeenbek Kulubayevin görüşü zamanı əldə edilib.
Qeyd edək ki, kompleksin tikintisinə dair saziş 2023-cü ilin iyununda Astana Beynəlxalq Forumu çərçivəsində Qırğızıstanın İqtisadiyyat və Kommersiya naziri Daniyar Amangeldiyev və Qazaxıstanın Ticarət və İnteqrasiya Naziri Serik Jumanqarin tərəfindən imzalanıb.
Kompleksin yaradılması vasitəçilərin sayını azaldacaq, son istehlakçı üçün məhsulların maya dəyərini aşağı salacaq və çatdırılma sürətini artıracaq.
