BAKI, AzerVoice, Nailə Babazadə
İstanbulda Türkiyənin xarici işlər naziri Hakan Fidanın ev sahibliyi ilə Qəzzada atəşkəsin davamlılığı və humanitar vəziyyətin müzakirə ediləcəyi yüksək səviyyəli toplantı işə başlayıb.
AzerVoice xəbər verir ki, zirvədə sentyabr ayında ABŞ Prezidenti Donald Trampın iştirakı ilə keçirilən Qəzza görüşündə yer alan yeddi ölkənin xarici işlər nazirləri – Birləşmiş Ərəb Əmirlikləri, İndoneziya, Qətər, Pakistan, Səudiyyə Ərəbistanı və İordaniya – iştirak edir.
Toplantı ailə fotosunun çəkilməsindən sonra Hakan Fidanın sədrliyi ilə açıq elan edilib.
Görüşdə əsas müzakirə mövzularının Qəzzadəa atəşkəsin daimi xarakter alması, humanitar yardımların artırılması və Fələstin xalqının qanuni haqlarının qorunması olduğu bildirilib. Həmçinin iki dövlətli həll prinsipinin və regional sabitliyin təmin edilməsinin vacibliyinin vurğulanacağı gözlənilir.
