Bakı, AzerVoice

Türkiyənin ilk milli dənizaltı gəmisi STM500-ün test istehsalı başa çatıb.

AzerVoice xəbər verir ki, tamamilə yerli infrastruktur və imkanlarla istehsal edilən TM500 test proseslərini müvəffəqiyyətlə tamamlayıb.

STM500-ün istehsalı ilə bir müharibə dənizaltısının test blokları, mülki gəmiqayırma zavodunda ilk dəfə istehsal olunmuş oldu.

STM Baş İcraçı Direktoru Özgür Güleryüz dənizaltı gəmisindən danışarkən "Dənizaltı mövzusu həqiqətən çətin bir mövzudur. Baxdığınızda, kosmik gəmiylə eyni kompleksə malik bir məhsuldur. Dünyada öz dənizaltısını dizayn edib inkişaf etdirə bilən ölkə sayı həqiqətən çox azdır. STM, dənizçilik sahəsindəki fəaliyyətlərinə Dəniz Qüvvələrimizin sahib olduğu AY sinfi dənizaltıların modernizasiyası ilə başladı və iki dənizaltını modernizə etdi. Donanmanın Preveze və Gür sinfi dənizaltılarının modernizasiyasında lider olaraq işlərimizi davam etdiririk. Pakistanın sahib olduğu Fransız dənizaltılarını modernizə edirik. Donanmanın ən müasir dənizaltısı olan Yeni Tip Dənizaltı, Reis sinfində də kritik yerli istehsal həyata keçirdik. STM-də ciddi bir təcrübəyə sahib oldu. Bu sayədə biz STM500 adını verdiyimiz ilk yerli və milli dənizaltının dizaynını tamamladıq. Bir tərəfdən, xüsusilə mülki sektorda dənizaltı istehsalına yardım etməyə çalışırıq. Digər tərəfdən, STM500 layihəsini reallaşdırmağa çalışırıq. STM500 layihəsini sürətli şəkildə həyata keçirib, ölkəmizi dünyada öz dənizaltısını dizayn edib istehsal edə bilən nadir ölkələrdən biri halına gətirmək istəyirik” – deyib.