Bakı, AzerVoice
Türkiyənin Daxili İşlər Naziri Ali Yerlikaya, 871 ton humanitar yardım daşıyan "14-cü Xeyirxahlıq Gəmisi"nin Mersindən Qəzzaya yola düşdüyünü açıqlayıb.
AzerVoice xəbər verir ki, Nazir Yerlikaya sosial media hesabında verdiyi açıqlamada qeyd edib ki, yola çıxan gəmi ilə 10,460 çadır, 14,350 ədyal, 20 tualet/duş kabinəsi və 300 generator daxil olmaqla cəmi 871 ton humanitar yardım Qəzzaya çatdırılacaq.
"Keçmişdə olduğu kimi, bu dəfə də Qəzzaya yardım çatdırılacaq. Bu gün də məzlumların və qurbanların yanında olmağa davam edirik. Millətimizin yardım əlini ehtiyacı olanlara çatdırmağa davam edirik." - deyə nazir qeyd edib.
