BAKI,
AzerVoice
Türk Dili Qambiya Universitetində Rəsmi Xarici Dil Olacaq.
AzerVoice xəbər verir ki ,Banjul Yunus
Əmrə İnstitutunun (YEE) koordinatoru Halil İbrahim Efe, Qambiya
Universiteti ilə türk dili dərslərinin tədrisi üçün əməkdaşlıq
protokolu imzalamaq mərhələsində olduqlarını bildirib.
Efe hazırda universitetdə alman, ingilis və fransız dilləri xarici dil kimi tədris olunduğunu , artıq Türk dilinin də dördüncü xarici dil olaraq proqramda yer aldığını qeyd edib.
Efe, Yunus Əmrə İnstitutunun Afrika qitəsindəki fəaliyyəti ilə bağlı geniş məlumat verib. O bildirib ki, institut Afrika tərəfdaşlığı layihəsi çərçivəsində mədəniyyət və təhsil sahələrində müxtəlif tədbirlər həyata keçirir.
Efe bildirib ki, 2024-cü ildə Afrikada fəaliyyət göstərən 15 mədəniyyət mərkəzində 107 tədbir təşkil olunub və bu tədbirlərdə təxminən 35 min insan iştirak edib. Hazırda Afrikada 5 mindən çox tələbə türk dili öyrənir.
Qambiya Mədəniyyət Mərkəzinin yaradılması prosesinin başa çatmaq üzrə olduğunu vurğulayan Efe, iki həftə ərzində mərkəzin fəaliyyətə başlayacağını açıqlayıb.
“Qambiya 1990-cı illərdən etibarən Türkiyə ilə hərbi əməkdaşlıq əlaqələri qurub. Burada ölkəmizə böyük sevgi və maraq var. Xüsusilə hərbçilər və polis əməkdaşları Türkiyəyə gedərək türkcə öyrəniblər”, – deyə o bildirib.
Qambiyalı əsgərlər Türkiyədə təhsil almaq üçün türkcə öyrənir
Efe həmçinin Qambiyanın Afrikada FETÖ məktəblərini bağlayan ilk ölkə olduğunu xatırladaraq, Qambiya xalqının Türkiyəyə xüsusi rəğbət bəslədiyini qeyd edib.
O vurğulayıb ki, rəsmi məqsədlərlə türkcə öyrənənlər istisna olmaqla, ölkədə türk dilini öyrənmək üçün alternativ imkanlar mövcud deyildi. Lakin YEE-nin Qambiyada açılacağı xəbəri yayıldıqdan sonra çox sayda insan kurslar barədə məlumat almaq üçün sosial media və e-poçt vasitəsilə müraciət edib.
Efe, Qambiya Universiteti ilə əməkdaşlıq protokolunun imzalanmaq üzrə olduğunu və türk dilinin universitetin rəsmi xarici dillər siyahısına daxil ediləcəyini təsdiqləyib.
