BAKI, AzerVoice
ABŞ senatoru Bernie Sanders, Rümeysa Öztürkün saxlanılmasına sərt reaksiya verib.
AzerVoice xəbər verir ki, ABŞ senatoru
Bernie Sanders, Tufts Universitetinin doktorantı Rümeysa Öztürkün
Massaçusets ştatında İmmiqrasiya və Gömrük Mühafizə Xidmətinin
əməkdaşları tərəfindən saxlanılmasına münasibət bildirib.
Sanders, ABŞ prezidenti Donald Trampın imzaladığı fərmanlarla viza
və yaşıl kartlı tələbələrə qarşı sərt tədbirləri artırmasını
qınayaraq, "Trampın tiranlığına son qoymalıyıq" deyib.
Rümeysa Öztürk, Fulbrayt təqaüdçüsü olaraq Tufts Universitetində təhsil alarkən, maskalı İCE əməkdaşları tərəfindən saxlanılıb. Öztürkün nəzarətə götürülməzdən əvvəl iki gün agentlər tərəfindən izlənildiyi bildirilir. Sanders, Trampın idarəçiliyindəki avtoritarizmə qarşı çıxaraq, tələbələrə qarşı belə sərt tədbirlərin qəbul edilməməsi gərəkdiyini vurğulayıb.
Qeyd edək ki, ABŞ-ın Massaçusets ştatının Boston şəhərindəki Tufts Universitetində doktorantura pilləsində təhsil alan Rümeysa Öztürk martın 25-də saxlanılıb. Təhsil vizası ləğv edilən Öztürkün HƏMAS tərəfdarı hərəkatlarda iştirak etdiyi iddia edilir.
