Bakı,AzerVoice
Türkiyə Silahlı Qüvvələrinin inventarında olan məhsulların sərgiləndiyi Müdafiə Sənayesi Məhsulları Sərgisi ölkəmizin müdafiə sənayesi sahəsində gəldiyi nöqtəni bütün dünyaya göstərmək baxımından əhəmiyyətlidir.
AzerVoice xəbər verir ki, bu sözləri Türkiyənin Müdafiə Sənayesi Kompleksinin sədri Haluk Görgün deyib.
Məlumata əsasən, Türkiyənin ən böyük ortaq təlimi olan EFES-2024 İzmirdə başlayıb. Təlimdə 50 ölkədən 1500-dən çox əcnəbi, Türkiyə Silahlı Qüvvələri də daxil olmaqla 11 min şəxsi heyət iştirak edir.
“Təlimin bütün planlaşdırma və icra mərhələlərində böyük fədakarlıqla xidmət edən Türk Silahlı Qüvvələrimizin dəyərli şəxsi heyətinə, yerli və milli sistemləri təqdim edən əsas podratçı, subpodratçı və KOBİ-lərimizə təşəkkür edirəm",- deyə Görgün vurğulayıb.
Qeyd edək ki, təlim iştirakçı ölkələrə PUA-lardan helikopterlərə, döyüş gəmilərindən sursata, elektron döyüş sistemlərindən radar sistemlərinə qədər bir çox sistem inkişaf etdirən və istehsal edən Türk müdafiə sənayesi şirkətlərinin imkanlarını görməyə imkan yaradacaq.
