Bakı, AzerVoice
İstanbulda fəaliyyət göstərən “Polonez” fabrikində 145 işçini həmkarlar ittifaqı təşkilatı fəaliyyətlərində iştirak etdikləri üçün işdən çıxaran işəgötürənə 2 milyon 9 min 560 türk lirəsi cərimə kəsilib.
AzerVoice xəbər verir ki, bu barədə Türkiyə Əmək və Əhalinin Sosial Müdafiəsi Nazirliyinə bağlı Rəhbərlik və Təftiş Müdirliyindən açıqlama verilib.
Bildirilib ki, İstanbulun Çatalca şəhərində fəaliyyət göstərən şirkət həmkarlar ittifaqının təşkilati fəaliyyətində iştirak etdiyi üçün işdən çıxarılan 13 işçi və bu işçilərin işdən çıxarılmasına qarşı olduqları üçün etiraz edən 132 işçinin işdən çıxarılması ilə bağlı yoxlama aktı hazırlayıb.
“Araşdırmalar nəticəsində, şirkətdən iş yerində həmkarlar ittifaqı təzyiqi nəticəsində əmək müqaviləsinə xitam verdiyi aşkarlanan 141 işçi üçün ümumilikdə 1 milyon 211 min 190 lirə, Türkiyə Məşğulluq Agentliyinə xəbər verilmədən 145 işçinin kütləvi şəkildə işdən çıxarılmasına görə isə ümumilikdə 798 min 370 lirə inzibati cərimə tətbiq edilməsi istənilib.” – deyə açıqlamada qeyd edilib.
Bundan əlavə, həmkarlar ittifaqı üzvlərini işdən çıxararaq iş yerində həmkarlar ittifaqının fəaliyyətinə qanunsuz mane olan işəgötürənə qarşı Baş Prokurorluğa cinayət işi qaldırılıb.
Hafiz Rufizoğlu
