BAKI,AzerVoice
Türkiyə Böyük Millət Məclisində (TBMM) iki illik vəzifə müddəti başa çatan Məclis Sədri, Sədr Divanı üzvləri, qrup rəhbərlikləri və komissiya sədrləri üçün seçkilər 3 iyun çərşənbə axşamı keçiriləcək.
AzerVoice xəbər verir ki, hazırkı TBMM Sədri Numan Kurtulmuşun yenidən iqtidarın namizədi olub-olmayacağı Rəcəb Tayyib Ərdoğan və MHP lideri Devlet Bahçeli arasında yaxın günlərdə keçiriləcək görüşdə müəyyənləşəcək.
Seçkilər zamanı TBMM Sədr Divanında da dəyişikliklər gözlənilir. AK Partidən Bekir Bozdağ və MHP-dən Celal Adanın sədr vəkili vəzifələrində qalacağı ehtimal edilir. Lakin CHP və DEM Partiyasından olan sədr vəkillərinin dəyişdirilməsi gündəmdədir.
Seçkilər TBMM-nin yeni rəhbər strukturunun formalaşmasında mühüm rol oynayacaq və siyasi partiyaların strategiyalarını ortaya qoyacaq.
Ərdoğan və Bahçəli arasında keçiriləcək görüşün nəticələri isə seçkilərin taleyinə birbaşa təsir göstərəcək.
