İmamoğlunun vəkili Trabzonda rüşvət ittihamı ilə saxlanılıb

Saxlanılma hadisəsi ilə bağlı məlumatı bir neçə Türkiyə mətbuatı, o cümlədən “A Haber” və digər X platformasındakı mənbələr yayıb. Nusret Yılmazın polis müşayiəti ilə Trabzondan İstanbula aparılmaqda olduğu bildirilib. Təfərrüatlar hələlik məlum olmasa da, İstanbul Respublika Baş Prokurorluğunun 2024-cü ildə başlatdığı və Əkrəm İmamoğlu ilə yanaşı 99 şübhəlinin də daxil olduğu “İmamoğlu Suç Örgütü Yolsuzluk Soruşturması” ilə əlaqəli olduğu ehtimal edilir. İstintaq çərçivəsində “cinayət təşkilatına üzv olmaq”, “rüşvət” və “tender saxtakarlığı” kimi ittihamlar irəli sürülüb. Qeyd edək ki, Əkrəm İmamoğlunun digər vəkili Mehmet Pehlivan da oxşar ittihamlarla saxlanılmış, lakin şərti olaraq azad buraxılmışdı.

26 Avqust 2025 12:43

BAKI, AzerVoice, Nərmin Ağayeva

Vəzifəsindən kənarlaşdırılmış İstanbul Böyükşəhər Bələdiyyəsinin (İBB) keçmiş sədri Əkrəm İmamoğlu və həyat yoldaşı Dilek İmamoğlunu təmsil edən vəkil Nusret Yılmaz Trabzonda “rüşvətə köməklik” ittihamı ilə saxlanılıb.

AzerVoice xəbər verir ki, saxlanılma hadisəsi ilə bağlı məlumatı bir neçə Türkiyə mətbuatı, o cümlədən “A Haber” və digər X platformasındakı mənbələr yayıb. Nusret Yılmazın polis müşayiəti ilə Trabzondan İstanbula aparılmaqda olduğu bildirilib.

Təfərrüatlar hələlik məlum olmasa da, İstanbul Respublika Baş Prokurorluğunun 2024-cü ildə başlatdığı və Əkrəm İmamoğlu ilə yanaşı 99 şübhəlinin də daxil olduğu “İmamoğlu Suç Örgütü Yolsuzluk Soruşturması” ilə əlaqəli olduğu ehtimal edilir. İstintaq çərçivəsində “cinayət təşkilatına üzv olmaq”, “rüşvət” və “tender saxtakarlığı” kimi ittihamlar irəli sürülüb.

Qeyd edək ki, Əkrəm İmamoğlunun digər vəkili Mehmet Pehlivan da oxşar ittihamlarla saxlanılmış, lakin şərti olaraq azad buraxılmışdı.