Ekrem İmamoğlu saxta diplom iddiası ilə məhkəmə qarşısında – 8 il 9 aya qədər həbs tələbi

İstanbul Böyükşəhər Bələdiyyə Başçısı vəzifəsindən uzaqlaşdırılan Ekrem İmamoğlu, bakalavr diplomunun saxta olduğu iddiası ilə “zəncirvari şəkildə rəsmi sənəddə saxtakarlıq” ittihamı üzrə mühakimə olunur. Prokurorluq İmamoğlu üçün 2 il 6 aydan 8 il 9 aya qədər həbs cəzası tələb edir. İş üzrə məhkəmə iclası, İstanbul Ədliyyəsindəki 59-cu Asliye Cinayət Məhkəməsi zalının yetersiz qalması səbəbindən Silivridəki Marmara Qapalı Cəza İnfaz Müəssisəsinin 1 nömrəli zalında keçirilir.

20 Oktyabr 2025 14:33

BAKI, AzerVoice, Nailə Babazadə

AzerVoice xəbər verir ki, prokurorluq İmamoğlu üçün 2 il 6 aydan 8 il 9 aya qədər həbs cəzası tələb edir.

İş üzrə məhkəmə iclası, İstanbul Ədliyyəsindəki 59-cu Asliye Cinayət Məhkəməsi zalının yetersiz qalması səbəbindən Silivridəki Marmara Qapalı Cəza İnfaz Müəssisəsinin 1 nömrəli zalında keçirilir.

12 sentyabrda baş tutan ilk məhkəmə iclasında hakim ittiham aktını elan etmiş, iş 20 oktyabr bazar ertəsinə təxirə salınmışdı.

Bu gün keçirilən iclasda isə Ekrem İmamoğlunun vəkilləri ilə birlikdə məhkəməyə qatılmamaq qərarı verdiyi bildirilir.

İttihama görə, İmamoğlu saxta diplom təqdim etmək və bu sənədi rəsmi dövlət orqanlarına təhvil verməklə saxtakarlıq törətməkdə günahlandırılır.

Məhkəmə prosesinin növbəti mərhələsinin nəticəsinə əsasən, müdafiə tərəfinin əlavə sübutlar təqdim etməsi gözlənilir.