Baykarın pilotsuz döyüş təyyarəsi tarixi test uçuşunu tamamlayıb

Türkiyənin ilk pilotsuz döyüş təyyarəsi Bayraktar KIZILELMA göydə tarixi bir testi uğurla başa vurdu. Testdə Türk Hava Qüvvələrinə məxsus iki F-16 döyüş təyyarəsi iştirak etdi. KIZILELMA, milli AESA radar MURAD ilə hədəf F-16-ya kilidləndi və qanadında daşıdığı milli GÖKDOĞAN raketi ilə simulyasiya atışında tam dəqiqliklə hədəfi vurdu. Tekirdağ Çorludakı AKINCI Uçuş Təlim və Test Mərkəzindən havaya qalxan KIZILELMA, 15 min fut hündürlükdə 1 saat 45 dəqiqə uçaraq həm F-16-larla qrup uçuşu etdi, həm də radar və silah inteqrasiyasını təsdiqlədi.

20 Noyabr 2025 11:30

BAKI, AzerVoice, Nailə Babazadə

AzerVoice xəbər verir ki,Tekirdağ Çorludakı AKINCI Uçuş Təlim və Test Mərkəzindən havaya qalxan KIZILELMA, 15 min fut hündürlükdə 1 saat 45 dəqiqə uçaraq həm F-16-larla qrup uçuşu etdi, həm də radar və silah inteqrasiyasını təsdiqlədi.

Test zamanı radar, raket və təyyarə arasındakı məlumat bağlantısı uğurla yoxlanıldı. Bu, KIZILELMA-nın görüş ötəsi hədəfləri neytrallaşdırmaq qabiliyyətində mühüm addımdır.

Baykar, 2003-cü ildən bəri UAV layihələrini öz resursları ilə inkişaf etdirir və ixracdan gəlirlərinin böyük hissəsini əldə edir. 2023 və 2024-cü illərdə şirkət qlobal UAV bazarında lider mövqeyini qoruyub və 1,8 milyard dollarlıq ixrac reallaşdırıb. Baykar, Bayraktar TB2 və AKINCI TİHA-lar üçün indiyədək 37 ölkə ilə ixrac müqaviləsi imzalayıb.