BAKI,AzerVoice, Fərid Mikayılov
Bu il Cənubi Afrikanın ev sahibliyi etdiyi G20 Liderlər Zirvəsi, “Dayanıqlılıq, Bərabərlik, Davamlılıq” əsas mövzusu ilə start götürdü.
AzerVoice xəbər verir ki, zirvədə Türkiyə Prezidenti Rəcəb Tayyib Ərdoğan da iştirak edib.
Zirvə, Johannesburg EXPO Mərkəzində keçirilən rəsmi qarşılanma mərasimi ilə açılıb. Ərdoğan sabah zirvə çərçivəsində iki ayrı iclasa qatılacaq, ikitərəfli görüşlər keçirəcək və liderlər şərəfinə verilən rəsmi naharda iştirak edəcək.
Dünya liderləri Cənubi Afrikada bir araya gələrək, ən böyük 20 iqtisadiyyata malik ölkələrin başçıları kritik qlobal məsələləri müzakirə edəcəklər.
Zirvə gündəliyində əsas mövzular Qəzzada davamlı sülhün təmin edilməsi və Rusiya-Ukrayna münaqişəsi olacaq.
