Türkiyədə İŞİD əməliyyatı: Yalovada 26 şübhəli həbs olundu

Türkiyənin Yalova şəhərində 3 polis əməkdaşının şəhid olduğu silahlı qarşıdurmadan sonra DEAŞ terror təşkilatına qarşı keçirilən genişmiqyaslı əməliyyatlar çərçivəsində saxlanılan 42 şübhəlidən 26-sı həbs olunub. Dekabrın 29-da saat 03:00 radələrində İsmet Paşa məhəlləsi, Seher küçəsində DEAŞ-a qarşı aparılan əməliyyat zamanı bir evdən açılan atəş nəticəsində polis əməkdaşları İlker Pehlivan (47), Turgut Külünk (50) və Yasin Koçyiğit (49) şəhid olub. Hadisə zamanı 8 polis əməkdaşı və 1 mühafizəçi yaralanıb.

2 Yanvar 2026 13:18

BAKI, AzerVoice, Nailə Babazadə

Türkiyənin Yalova şəhərində 3 polis əməkdaşının şəhid olduğu silahlı qarşıdurmadan sonra İŞİD terror təşkilatına qarşı keçirilən genişmiqyaslı əməliyyatlar çərçivəsində saxlanılan 42 şübhəlidən 26-sı həbs olunub.

AzerVoice xəbər verir ki, dekabrın 29-da saat 03:00 radələrində İsmet Paşa məhəlləsi, Seher küçəsində DEAŞ-a qarşı aparılan əməliyyat zamanı bir evdən açılan atəş nəticəsində polis əməkdaşları İlker Pehlivan (47), Turgut Külünk (50) və Yasin Koçyiğit (49) şəhid olub. Hadisə zamanı 8 polis əməkdaşı və 1 mühafizəçi yaralanıb.

Əməliyyat zamanı evdə olan 5 qadın və 6 uşaq sağ-salamat təxliyə edilib. Çıxan silahlı qarşıdurma nəticəsində 6 terrorçu zərərsizləşdirilib. Hadisədən sonra şəhər üzrə eyni vaxtda keçirilən reydlərdə ümumilikdə 42 nəfər saxlanılıb.

Saxlanılanlar, o cümlədən evdən sağ çıxarılan 5 qadın polis idarəsində aparılan istintaq tədbirlərindən sonra Yalova Ədliyyəsinə təhvil verilib. Məhkəmənin qərarı ilə 26 nəfər həbs edilib, 16 nəfər isə məhkəmə nəzarəti şərti ilə azadlığa buraxılıb.