BAKI,AzerVoice, Fərid Mİkayılov
Türkiyənin Enerji və Təbii Sərvətlər naziri Alparslan Bayraktar, Liviya Baş Naziri Əbdülhəmid Dibeybə ilə enerji sahəsində əməkdaşlıq imkanlarını müzakirə edib.
AzerVoice xəbər verir ki, Bayraktar, Türkiyə–Liviya 22-ci Dönəm Karma İqtisadi Komissiya (KEK) iclasına başçılıq etmək üçün gəldiyi səfərdə Baş Nazir Dibeybə ilə görüşüb.
Görüşdə hidrokarbonların axtarışı, istehsalı və ticarəti daxil olmaqla iki ölkə arasında enerji sahəsində əməkdaşlıq məsələləri gündəmə gətirilib.
Həmçinin tərəflər, Türkiyə–Liviya enerji tərəfdaşlığını qarşılıqlı inam, davamlılıq və uzunmüddətli perspektiv əsasında inkişaf etdirəcək layihələrə diqqət çəkiblər.
Bayraktar, Liviya Enerji və İqtisadi Zirvəsində çıxış edəcək və tədbir çərçivəsində liviyalı rəsmilər və beynəlxalq enerji şirkətlərinin nümayəndələri ilə ikitərəfli görüşlər keçirəcək.
