BAKI, VOA, Nailə Babazadə
Türkiyənin xarici işlər naziri Hakan Fidan bu gün Səudiyyə Ərəbistanının ev sahibliyi ilə Ər-Riyadda keçiriləcək mühüm məşvərətçi iclasda iştirak edəcək.
VOA xəbər verir ki, Türkiyə Xarici İşlər Nazirliyindən verilən yazılı açıqlamaya görə, 18 mart 2026-cı il tarixində baş tutacaq bu görüşdə ərəb və islam ölkələrinin xarici işlər nazirləri regionda son dövrlər artan gərginliyi və təhlükəsizlik məsələlərini müzakirə edəcəklər.
Fevralın 28-dən bəri ABŞ, İsrail və İran arasında davam edən hərbi qarşıdurmanın 19-cu gününə təsadüf edən bu toplantı regional sabitliyi bərpa etmək və gərginliyin daha da genişlənməsinin qarşısını almaq məqsədi daşıyır. Nazir Fidanın səfər çərçivəsində bir sıra ikitərəfli görüşlər keçirəcəyi və Türkiyənin regional de-eskalasiya (gərginliyin azaldılması) ilə bağlı mövqeyini tərəfdaşlarına çatdıracağı gözlənilir.
