BAKI,VOA, Fərid Mikayılov
İranın Pekindəki səfiri Abdolreza Rahmani Fazli ABŞ ilə əldə olunmuş atəşkəsdən sonra açıqlama verərək, münaqişənin yenidən alovlanmaması üçün təminatlara ehtiyac olduğunu bildirib.
VOA xəbər verir ki, Fazli qeyd edib ki, Çin, Rusiya, Pakistan və Türkiyə regionda sülhün təmin olunması istiqamətində birgə fəaliyyət göstərə bilər.
Bildirilib ki, İran tərəfi ABŞ-ın müharibəni yenidən başlatmayacağına dair etibarlı zəmanətlərin verilməsini gözləyir.
Səfir həmçinin qeyd edib ki, BMT Təhlükəsizlik Şurası və böyük dövlətlərin bu prosesdə aktiv rolu atəşkəsin qalıcı sülhə çevrilməsi üçün mühüm əhəmiyyət daşıyır.
Qeyd olunub ki, ABŞ və İran arasında İsraili də əhatə edən münaqişə fonunda aprelin 8-də müvəqqəti atəşkəs elan olunub və tərəflər diplomatik həll yolları üzərində danışıqları davam etdirir.
