BAKI,VOA, Fərid Mikayılov
Antalya Diplomatiya Forumunda regional təhlükəsizlik və enerji marşrutları ilə bağlı diqqətçəkən açıqlama səsləndirilib.
VOA xəbər verir ki, Türkiyə Prezidenti Rəcəb Tayyib Ərdoğan Hörmüz boğazı ilə bağlı mövqeyin aydın olduğunu bildirib.
Məlumata əsasən, o qeyd edib ki, boğazın bir tərəfi İrana, digər tərəfi isə Omana məxsusdur və bu marşrut beynəlxalq ticarət üçün açıq qalmalıdır.
Qeyd olunub ki, Prezident ticarət gəmilərinin keçidinə məhdudiyyət qoyulmamasının vacibliyini vurğulayıb.
Bildirilib ki, Ərdoğan regionda enerji və nəqliyyat təhlükəsizliyinin qorunmasının qlobal sabitlik üçün mühüm əhəmiyyət daşıdığını diqqətə çatdırıb.
