BAKI,VOA, Fərid Mikayılov
NATO baş katibi Mark Rutte 21-22 aprel tarixlərində Türkiyəyə səfər edəcək.
VOA xəbər verir ki, səfər çərçivəsində onun Türkiyə Prezidenti Rəcəb Tayyib Ərdoğan, xarici işlər naziri Hakan Fidan və milli müdafiə naziri Yaşar Gülər ilə görüşləri planlaşdırılır.
Səfərin Yaxın Şərqdə davam edən gərginlik və Türkiyənin İsraili tənqid etməsi fonunda baş tutduğu bildirilir.
Görüşlərdə regiondakı vəziyyətlə yanaşı, Rusiya-Ukrayna müharibəsi də əsas müzakirə mövzularından biri olacaq.
Məlumata görə, Türkiyənin Rusiya və Ukrayna arasında birbaşa danışıqların növbəti mərhələsinə ev sahibliyi etmək istiqamətində səyləri də diqqət mərkəzində olacaq. Bu təşəbbüsün sülh prosesinin yenidən canlandırılmasına yönəldiyi qeyd olunur.
